NEHEMIA 7:4 - Alkitab Singog In Mongondow Masa In Tanaa

⁴ Yerusalem in kotá inta moḷoben táe tongá topiḻik in intaunea, bo noyakagpa in baḷoi in inaidan.

NEHEMIA 7:4 Iomraidhean Croise

NEHEMIA 11:1

Itoi mita in nogutun notantú kon Yerusalem bo rayat in nopogonik in undi sin momiḻí kon motoḷuadí nongkon batúan in motoḷuadí mopuḷú inta musti mogutun kon kotá motusi, Yerusalem. Inta diá kinopiḻían in motaaubí mogutun kon kotá mita ibanea.

NEHEMIA 11:2

Kon sigad monia oyúonbí in takin ḻimbatú in gina mogutun motantú kon Yerusalem bo mosia in dinayow in rayat.

NEHEMIA 7:3

Pinogumanku kon i monia, “Bonawang in Yerusalem motaau bukatan táe bain mobayag bo musti ḻingkopan poḷat popobandai in bonoboinea kon dodai in moḷoḷukad mita moiḷuatdon kon wakutu monia moḷukad ḷoḷabungnea. Koḻikud intua musti tundúon in moḷoḷukad kon sigad in intau in Yerusalem, tongosilai in moḷukad kon pos mita poḷoḷukadan bo tongosilai doman in moḻibu kon ḻibumai in baḷoi monia.”

NEHEMIA 7:5

Tuamai in pinopogonú i Allah kon inakó sinbá mosipun kon rayat bo itoi mita takin guhanga mita in ḻipú, sinbá motaau iyaponku in mosia podudui in tangoi kon inanakan monia. Kon kasampatan tatua aindon nouḻíku in pinomaisan kon tangoi mita in intau inta muna-munamai nobui nongkon pinoḷumbúan. Noiduduimai naa in katarangan inta nouḻíku nongkon pinomaisan tatua:

YESAYA 58:12

Kotá inta noonggotdon in nobaḻí rumbunnea in posindogonmudon bui kon tudu in orotan koyongan. Moiko in tangoiondon ‘Bangusa inta moposindogdon bui in dinding mita bo monompia kon baḷoi mita inta ain nogoguyaat.’ ”

MATIUS 6:33

Táe, tayakpa muna in ki Allah bo aidaidon onu inta kinoibog-Nea. Dá komintan tua in ogoi-Neabí doman kon inimu.