NEHEMIA 6:9 - Alkitab Singog In Mongondow Masa In Tanaa

⁹ Mosia in moḷongasi mopogogondok kon inami sinbá gogaiandon nami in oaidan tatua. Akuoi in nosambayang, “Oo Allah, iropotai in akuoi!”

NEHEMIA 6:9 Iomraidhean Croise

TAWARIKH 2 15:7

Táe moiko in mustibí mokoporoton kon gina bo mokopobarani. Onu in totayakmu in kodapotanmubí.”

TAWARIKH 2 32:18

Totabá mita in Asyur tatua nopobaḷú in bayongan tua kon bonu in singog in Ibrani sin mopogogondok bo monginggamá kon barani in intau mita in Yerusalem inta kon tudu in dinding kotá, sinbá koagowan monia in kotá tatua takin diá moyoyiga.

EZRA 1:6

Bayongan in topodiug monia notuḷung doman kon i monia poḷat nobogoi in pakakat mita, ná pakakat mita saḷaka bo buḷawan, tongkaaḷ kon daḷan, biag pododatogan, kapunyaan ibanea bo sosumba mita inta ogoi kon Baḷoi Tuhan.

NEHEMIA 6:14

Akuoi in nosambayang, “Oo Allah, toropdon onu in inaidan i Tobia bo i Sanbalat tatua. Hukumdon in mosia! Natua doman in nabi bobay inta ki Noaja bo nabi mita ibanea inta moibog mopogogondok kon inakó.”

MAZMUR 138:3

Kon tungkuḷ in akuoi nokuani kon ini-Mu, Iko in notubag, inirigonan-Mu in ginaku dá nobaranidon in akuoi.

MAZMUR 56:3

Kinoouput in singgai akuoi iyunta-yuntai in saturuku; mobayongbí in mosaturu kon inakó, o Allah Inta Totok in moḷantud.

MAZMUR 68:35

Akudon in kawasa i Allah inta nomarenta kon Israel, kawasa-Nea in nodapot kon ḷangit.

MAZMUR 71:1

O Tuhan, kon ini-Mu in poniunganku, dika pomayá mako in akuoi in pokopooyáanmai.

YESAYA 40:29

Sia in moginropot kon intau inta moḷopí, moporigon kon gina monia inta diá kodaya.

YESAYA 41:10

Dika moondok, sin takinan-Kubí in iko, dika moḻia-ḻiaw in gina, sin Akuoi in ki Allahmu. Iko in irigonan-Ku bo tuḷungan-Ku, Ḻima-Ku inta moroton in pokapit-Ku.

YEREMIA 38:4

Dá minayádon in pojabat mita tatua kon i datu bo noguman, “Intau tanaa in mustibí hukumon matoi. Sin pongin singognea natua sia in mokoinggamá kon ibog in bayongan tontara bo intau ibanea inta nogutunpa kon kotá tanaa. Sia in diábí motuḷung kon rayat, táe mopoboditobí kon i monia.”

YEHEZKIEL 30:24

Bo irotonan-Ku in kokaḷ i datu in Babel, bo popokadai-Ku kon ḻimanea in kedang-Ku. Táe kokaḷ i datu in Mesir in putoḷon-Kubí dá kumarak in sia bo matoi kon tayowon i datu in Babel, musungnea.

ZAKHARIA 10:12

Akuoi in moginropotbí kon umat-Ku, mosia in tumoḷutuibí in mosumba kon i-Nakó. Akuoi, ki Tuhan, ain nosingog.”

KORINTUS 2 12:9

Táe sinubagan i Tuhan nanaa, “Tugatdon in totabi-Ku kon inimu; sin aka naníon kaadaan in awakmu, yo kawasa-Ku in modugangbí moropot.” Tuabí manangka in mopiabí totok in ginaku bo duíonkubí in onu inta nogaat kon awakku. Sin aka akuoi bo diádon mokopongonu, yo kon wakutu intuata korasaanku in kawasa i Kristus inta totok in moḷoben motuḷung kon i nakó.

EPESUS 3:16

Mosambayang in akuoi sinbá ki Allah inta totok in momulia tua in moibog moginrigon kon batinmu takin Roho-Nea.

EPESUS 6:10

Naa in singogku pangabisan, paké in ropot inta nouḻí monimu nongkon kawasa i Tuhan, sin moiko in notobatúdon takin-Nea.

PILIPI 4:13

Kawasa inta inogoi i Kristus kon inakó umuran mobogoi in ropot kon inakó in tumayow kon kaadaan noyagi-yagimai.

IBRANI 12:12

Tuamai, koropot in ḻimamu inta noḻemé bo duḷudmu inta mouyot tua!

PETRUS 1 5:10

Táe naonda in moiko nokorasa kon roriga motoyong, yo ki Allah tontaní in moposompurna kon i monimu. Potorindogon-Nea bo iropotan in moiko. Sin Sia in Allahbí inta totok mopia in gina, inta ain nogoiní kon i monimu sinbá moitakin doman mokorasa kon kopia-Nea inta mononoi pongin i Kristus.

SAMUEL 1 30:6

Noajar totok in gina in intau mita i Daud sin mosia in kinobuḻiandon in adí bo buḷoi monia. Tuamai in mosia moibogdon mogandur in batu kon i Daud. Dá noyogintayowdon in roriga moḷoben in ki Daud, táe ginanea in inirigonan bui i Tuhan Allahnea.