NEHEMIA 6:8 - Alkitab Singog In Mongondow Masa In Tanaa

⁸ Táe akuoi in nokidia in tontubag nanaa, “Bayongan inta pinogumanmu tua in diábí totuu bo tongábí ouman inta ai-aidan i Utat.”

NEHEMIA 6:8 Iomraidhean Croise

NEHEMIA 6:7

bo notundúdon kon tongonumai in nabi sin moduí kon inimu kon Yerusalem. Unsingog mita tatua in notantú kon moiyaput kon i datu. Tuamai, angoidon sinbá yosingogon in tua.”

AYUB 13:4

Sin moiko in nogoḻingoi kon bodokmu takin uboḷ, diá noyoposi in mongongundam mita inta diá totuu.

MAZMUR 36:3

Inanggapnea kon siabí in totok in motoyang, dá diábí kotaauannea kon oyúon in taḷánea, bo diábí indoíonnea.

MAZMUR 38:12

Yobayatku mita yumayú popisí in panyakiku, nodapot in ginaḷum bo utatku yumayú kon inakó.

MAZMUR 52:2

kon tungkuḷ in ki Doëg, intau in Edom, namangoi nopotaau kon i Saul kon ki Daud in noiyaputdon in baḷoi i Abimelek.

YESAYA 59:4

Moiko in nopongadu in pelekara takin diá in dodoyonan bo nohakim takin diá moadil. Moiko in nonguboḷ bo mopongata kon inta diá in mangaḻenea, moiko in momia kon tomayá sin mopobodito kon intau ibanea bo mogaid kon inta moraat.

DANIEL 11:27

Onda intua datu doyowa tatua in ḻimitú kon meja tobatú bo mongaan moyotakin, takin mosia in nonomayá kon inta moraat, bo mosia in mosiakaḷan. Táe tomayá monia tua in diábí motuoi sin deemanpa wakutunea.

MATIUS 12:34

Ei moiko buí inta moromú, naondabí in moiko motaau mosingog kon soaḷ mita inta mopia aka moiko tontaní in mogaid doman kon inta diá mopia? Sin onu siningog in bibig tuabí doman inta iḷumuai nongkon bonu in gina!

YOHANES 8:44

Ibilisbí in ki amámu, bo moiko in moibog dumudui kon ibog i amámu tatua. Nongkon pinomangkoianpabímai Ibilis tua moḷoḻimod. Doíbí in sia kon onu inta moitutui, sin diábí in moitutui kon inia. Aka sia bo monguboḷ yo biasabí intua, sin natuabí in sipatnea. Sia mouboḷ bo pangkoi in bayongan uboḷ.

OUMAN IN RASUL MITA 25:10

Táe ki Paulus in notubag, “Naa in akuoi simindog mako kon tayowon pongadilan i Kaisar; bo kon naabí in tampat ponantúan kon taḷá bo ain bidon totok in kinotaauan i Tuang tontaní kon akuoi in diábí kotaḷá kon intau mita in Yahudi tanion.

OUMAN IN RASUL MITA 25:7

Naonda in ki Paulus noiyaputdon in yuang pinosidangan, intau mita in Yahudi inta namangoi mita nongkon Yerusalem sinimindog iḻimibu kon inia, bo yagi-yagidon in pinonapud monia kon inia. Táe mosia in diá nokouḻí kon bukti in onu inta pinonapud monia tua kon inia.