NEHEMIA 6:6 - Alkitab Singog In Mongondow Masa In Tanaa

⁶ inta nanaa in pinais: “Ki Gesyem in nongakubí kon oyúonbí in unsingog mita in bangusa mita kon diugmai naa, inta noguman kon ki utat bo bayongan in intau in Yahudi in monomayá kon momarontak, dá tuamai in ki utat monompia kon dinding in kotá. Sia in noguman doman kon ki utat in dumuídon datu in Yohuda,

NEHEMIA 6:6 Iomraidhean Croise

EZRA 4:12

Poigumon mako komangaḻean i Tuang, kon intau in Yahudi inta ain nonaḷámai kon butá mita ibanea kon bonu in dodatuan i Tuang, tanaa in nogutundon notantú kon Yerusalem bo koyogot in noposindog bui in kotá inta moraat bo moibog momarontak tua. Mosia in nomangkoidon noposindog bui in dindingnea mita bo diádon moonggot bo moḷapat in oaidan tatua.

EZRA 4:15

sinbá ki Tuang mokitayak in surat mita in mogoguyang mita i Tuang. Nongkon tombonunea kotaauandon i Tuang kon kotá in Yerusalem moibogbí momarontak bo nongkon koḻipodpabí umuran mokoporugimai kon datu mita bo pongawasa in propinsi. Intaunea mita in umuranbí mororiga tongganutan. Tuamai in kotá tatua in irimumudon.

NEHEMIA 2:19

Naonda in tomayá nami tatua kinotaauan i Sanbalat, i Tobia bo i Gesyem, intau in Arab, kinosingan bo siningkuḻe monia in kami. Guman monia, “Onu in aidan monimu? Degá momarontak in moiko kon i datu?”

NEHEMIA 6:13

Makusud monia tua in bá moondok in akuoi bo dumudui kon singog monia dá mogaidon kon dosa. Dá mokouḻídon in mosia kon dodoyonan moporaatmai kon tangoiku modapot in akuoi in tantúdon oumanon magí-mako in intau.

NEHEMIA 6:5

Kon iḻimaneadon intau i Sanbalat namangoi bo nobogoi in surat inta diá binakut

NEHEMIA 6:7

bo notundúdon kon tongonumai in nabi sin moduí kon inimu kon Yerusalem. Unsingog mita tatua in notantú kon moiyaput kon i datu. Tuamai, angoidon sinbá yosingogon in tua.”

YEREMIA 20:10

Kodongogan in intau moyogombong kon bayongan in tampat, “Ondok in mongawasa! Igai pongaduon in sia kon i inta nongawasa!” Nodapotbí in bayongan in topotakinku modagin mogoḷat mako kon koḷabúanku. Guman monia, “Degá pongin dondouḷug, kotaḷowan in sia, sinbá motaaudon in kita motuḻí kon yaat in gina kon inia.”

MATIUS 5:11

Pia in kamang i moiko, inta popisí in Akuoi, moiko siningkuḻe bo pinogutú takin pinoponapudan inta moraat.

LUKAS 23:2

Kon tua in mosia mulaidon bo moponapud in tosingogon diá totuu kon i-Nia. Mosia in noguman, “Kinokadapatandon nami intau tanaa in notundú kon diá totuu kon intau moantó. Bo bayongan intau in daiton-Nea pongaruon sinbá doí moguboḻi kon pajak kon i Kaisar, sin kai-Nia Sia in tobatú Datu Mopoposaḷamat.”

YOHANES 19:13

Nokodongogmai kon natua, pinoki diadon i Pilatus iḷumuai in ki Yesus, bo minayádon in sia iḻimitú kon kadera pongadilan inta sinangoian Taḷog Batu (Litostrotos). (Kon bonu in bahasa Ibrani sinangoian Gabata.)

SURAT I PAULUS KON JAMAAT RUM 3:8

Bo nongonu sin kita in diá doman motaau in moguman, “Koḻigai, kita in mogaid kon inta moraat sinbá momukádon in inta mopia?” Totuubí kon oyúonbí in intau mohojat kon inakó bo moguman kon akuoi ain nosingog kon natua. Intau mita natua in patusbí hukumon i Allah.

KORINTUS 2 6:8

Oyúon in mohoromat kon i nami, táe oyúon doman in moningkuḻe; oyúon in moduí, táe oyúon doman moponapud in diá totuu. Umpakabí kami in mojujur, táe kai monia kami in mouboḷ.

PETRUS 1 3:16

Táe koaḷusbí in pototubag takin horomat. Ginamu in musti totu-totuu motuḻid, sinbá aka poponapudan uboḷ in moiko lantaran nobiag notompia saḷaku dumodudui i Kristus, dá intau inta noponapud in uboḷ tatua kon inimu buibí mooyá tontaní.