NEHEMIA 6:16 - Alkitab Singog In Mongondow Masa In Tanaa

¹⁶ Naonda in musung mita nami kon sigad in bangusa mita kon diugmai tua nokodongog kon tua, nooyá in mosia sin kinotaauandon monia kon oaidan tatua in inaidanbí pinodoyon kon totuḷung i Allah.

NEHEMIA 6:16 Iomraidhean Croise

NEHEMIA 2:10

Táe naonda in ki Sanbalat, intau in Bet-Horon, bo ki Tobia, pojabat tobatú nongkon Amon, in nokodongog kon akuoi in namangoi kon kopontingan in bangusa in Israel, nobú totok in mosia.

NEHEMIA 4:1

Naonda in ki Sanbalat nokodongog kon kami intau in Yahudi koyogot in monompia kon dinding in kotá sinumorú totok in sia bo nomangkoidon nokopoonagmai kon inami.

NEHEMIA 4:7

Naonda in ki Sanbalat, ki Tobia bo intau mita nongkon Amon bo Asdod bo intau mita in Arab nokodongog kon pinonompiaan kon dinding in Yerusalem tatua in totuu motoyong bo bubú mita kon dinding in nomangkoidon pinaḷonan, sinumorúdon totok in mosia.

NEHEMIA 6:17

Kon tungkuḷ intua itoi mita in Yahudi mokokidiaanpa in surat takin i Tobia.

MAZMUR 109:27

Dá kotaauandon in musungku kon tua in aid-Mu mita, kon Iko, ki Tuhan, inta nogaid kon tua.

MAZMUR 126:2

Kita in tantúbí kinumosing bo nodondong takin pia in gina dá bangusa mita ibanea in noguman, “Ki Tuhan in nogaidon kon inta mongotoyang kon i monia!”

MAZMUR 129:5

Biódon mako bayongan in intau inta mondoí kon Sion taḷowon bo upeton dapot in umundok.

MAZMUR 147:2

Ki Tuhan in mopoguḻitbí in Yerusalem; intau mita inta iḷumbú in diaan-Neabí mobui.

IḶUAIAN 14:25

Binaḻínea roda mita in kereta tatua diá noburow, dá mororigadon totok monia in mayá. Guman intau in Mesir, “Koḻigai kita moḷagui monaḷámai kon intau Israel, sin ki Tuhandon in moparang monayow kon i naton.”

YEREMIA 33:9

Yerusalem in mobaḻí koḷungangaan bo koyunggagaan-Ku. Bayongan in bangusa kon dunia in mobaḻíbí moondok bo mourot poḷat mohoromat kon i-Nakó, aka mokodongogdon kon bayongan inta mopia inta inaidan-Ku kon intau inta nogutun kon Yerusalem, bo kobiagan motompia inta ogoi-Ku kon kotá tatua.”

PINOGIAPAN 23:23

Diábí in totaau in kumaan kon i Yakub diábí in ponggaing in mokomampu monayow kon Israel. Tosingogon in intau soaḷ bangusa tatua, ‘Indoiai in mokoherang inta inaidan i Allah!’

OUMAN IN RASUL MITA 5:38

Tuamai akuoi in moguman kon i monimu nanaa: Donaaidon rupa-rupaanmai monimu in intau mita tatua. Pomayádon mako in mosia. Sin aka makusud bo oaid monia naa nongkon intau, yo moputúbí doman in mosia.

YOSUA 2:11

Naonda in kinodongogan nami in ouman mita tatua, inagíandon in ondok in kami. Bayongan in intau nami kinoinggamáandon in barani popisí in moiko. Ki Tuhan Allahmu totu-totuubí ki Allah inta Totok in Mokawasa kon ḷangit bo kon butá.

YOSUA 2:9

bo noguman kon i monia, “Kinotaauankubí kon butá tanaa inogoidon i Tuhan kon i monimu. Bayongan in intau kon naa moondokdon kon i monimu.

YOSUA 5:1

Bayongan in datu in Amori kon dotá in toyopan kon Ongkag in Yordan, bo bayongan datu in Kanaan inta kon bingkí in Dagat Toyuak nokodongogdon kon Ongkag in Yordan ain iningkagan i Tuhan kon bonu in umat Israel iḷumoḷan kon ongkag tatua. Dá inagíandon in ondok in mosia bo uyotdon mako popisí in intau Israel.