NEHEMIA 5:4 - Alkitab Singog In Mongondow Masa In Tanaa

⁴ Bo oyúon doman in moguman, “Kami in noḷuandon kon doit sin poguboḻi kon pajak inta ain sinantú i datu kon pajak in gobá in tudunea bo gobá in anggur nami.

NEHEMIA 5:4 Iomraidhean Croise

EZRA 4:13

Aka kotá tatua bo koposindogan bui bo dindingnea mita in moḷapatdon posindogon, yo intau mita inta nogutun kon tua in doí bidon moguboḻi kon pajak, bo doit tumuot kon dodatuan in mogaatdon.

EZRA 4:20

Nokoimontan doman in datu mita inta motorindog nomarenta kon tua bo nongawasa kon sinangkup in propinsi Eprat Toyopan bo noigum kon pajak bo iba.

EZRA 7:24

Moiko in diábí motaau in moigum kon pajak nongkon imang mita, intau in Lewi, mododondong, moḷoḷukad kon bonawang, mogogaid, andeka ki inekabí inta oyúon in oaidannea kon Baḷoi Tuhan.

NEHEMIA 5:3

Oyúon doman in moguman, “Takin pakisa in akuoi nopotomoyó in gobá, gobá in anggur bo baḷoi nami sin potaḷui kon gandum sinbá diá matoi in gogoy.”

NEHEMIA 9:37

Bayongan in bungai in boyó kon butá tanaa musti ogoi kon datu mita. Pongawasa mita tatua dinuí-Mu mongawasa kon umat-Mu, nobaḻí hukuman kon dosa nami kon ini-Mu. Mosia in nomarenta kinooibogbí in ginanea kon inami bo bobiagon nami. Tuamai tanaa kami in mororiga, nopuḻingdon in roriga bo morobonoḷ in dodob!”

AMSAL 22:7

Intau bogá kinawasa in intau nooyúon; intau inta noḷuan kinawasa in intau inta nopoḷuan.

YOSUA 16:10

Táe suku Epraim diábí noguntun kon intau in Kanaan nongkon butá in Gezer. Tuamai nodapot kon tanaa mako intau in Kanaan nogutunpabí doman kon Gezer noyotakin in intau in Epraim, táe mosia pinakisa nogaid nobaḻí ata kon intau in Epraim.