NEHEMIA 5:10 - Alkitab Singog In Mongondow Masa In Tanaa

¹⁰ Akuoi tontaní ki utatku mita bo topotakinku mita ain nopoḷuan in doit bo gandum kon rayat. Kami in diábí moigum bui kon tua.

NEHEMIA 5:10 Iomraidhean Croise

NEHEMIA 10:32

Pomuḷoi in taong kami kon batúannea in moposumbang in ḻima nogram in saḷaka sin pobantung pakéon kon Baḷoi Tuhan.

NEHEMIA 5:11

Dá moiko in mustibí doman momopat kon boḻi mita in rayat kon inimu tua, pinomayá doit andeka gandum, andeka anggur andeka ḷana in zaitun. Ḷagidon pobui in gobá monia tudunea, gobá in anggur, gobá in zaitun bo baḷoi monia!”

NEHEMIA 5:7

bo nonantúdon kon oyúon in aidanku. Bo sinoboḷowku in guyanga mita in ḻipú bo itoi mita in rayat. Gumanku, “Moiko in mondorotbí kon i utatmu mita tontaní!” Onda intua nomia in akuoi kon bakid noyotakin sin momaḷut kon soaḷ tatua,

NEHEMIA 5:9

Bo Gumanku bui, “Aidmu tua in diábí mopia! Mustibí in moiko mobiag takin motoguondok kon i Allah. Dá musung naton inta diá ko Tuhan tua in diá ogoian monimu in kasampatan moningkuḻe kon inaton.

MAZMUR 15:5

bo mopoḷuan in doit bo diá moigum kon rente; inta doí motarima kon doit pomompon kon bibig sin moporugi kon intau inta diá kotaḷá. Intau inta mogaid kon natua, umuranbí mobiag moodom.

YESAYA 58:6

Naabí in puasa inta kinoibog-Ku: Ḷuatdon in aid mopororiga bo bobabaan inta diá moadil, bo poḷuatdon in intau mita inta dinorot.

YEHEZKIEL 18:13

Sia in mopoḷuan bo moigum kon rente. Yo degá mobiag in intau natua? Diá! Sia in nomiadon kon bayongan in oaid inta mokorongó tua, bo sia in matoibí! Sia in matoi popisíbí in aidnea tontaní.

YEHEZKIEL 18:7

Sia in diábí kon dodai in onda in nonombuḻitok andeka nogagow. Pakakat mita inta nobaḻí tontogot in boboḻian kon inia umuranbí pobuionnea. Intau inta ginogoi inogoiannea in kaanon bo intau inta diá koḷambung inogoiannea in ḷambung.

YEHEZKIEL 18:8

Diábí kon dodai in onda in sia in mopoḷuan bo moigum kon rentenea. Sia in doíbí momia kon inta moraat bo pomuḷoi in oyúon rogenggeng toḻisíonneabí kopiaan.

MIKHA 2:1

Moboditodon in intau mita inta monomayá kon inta moraat kon dodai in mosiug mako kon tosiugan kon tungkuḷ in doḷom, bo mogaid kon tua kon dodai in doḷo-doḷom popisí in oyúon in ropot monia mogaid kon tua.

KORINTUS 2 5:11

Kotaauanbí in nami mangaḻe in moondok kon i Tuhan. Manangka intua kami moramuji sinbá pirisayaan in bayongan intau. Totokbí in kinotaauan i Allah in kami naa. Tuamai in haraponku in kotaauan doman monimu in kami.

KORINTUS 2 5:20

Dá kami naa in totabábí mita i Kristus inta pinaké doman i Allah mopoyaput in koyow-Nea kon i monimu. Tuamai podoyon nami kon tangoi Kristus, kami in mopoigum sinbá moiko in moibogdon motarima kon totabi i Allah inta mobogoi in kasampatan kon i monimu mopopiaan takin-Nea.

KORINTUS 2 6:1

Saḷaku yobayat topogaidan i Allah, kami in mononggina kon i monimu; donaai tongá pomayá mako in totabi i Allah inta ain inogoi-Nea kon i monimu.

ULANGAN 15:2

Nanaa in pogogaid. Intau mita in Israel inta nopoḷuan in doit kon intau tobangusanea, musti momopatdon kon boḻi tatua, sin podudui kon onu inta ain sinantú i Tuhan tontaní boḻi tatua ain bidon pinopatan, dá diá bidon motaau igumon bui.