NEHEMIA 4:9 - Alkitab Singog In Mongondow Masa In Tanaa

⁹ Tuamai in nosambayang in kami kon i Allah nami bo noḷukad kon kotá tatua doḷom bo singgai.

NEHEMIA 4:9 Iomraidhean Croise

KINOBAḺIAN 32:28

Intau tatua in noguman, “Tangoimu in deeman bidon ki Yakub. Iko noridomokdon takin i Allah bo takin intau, bo iko in nokountung; tuamai tangoimu in ki Israel bidon.”

NEHEMIA 4:10

Táe intau in Yohuda nomangkoidon nopodondong in dondong amui tanaa: “Ropot naton in nodait sin mogakut kon datog, bokaka apat in nobayongpa totok. Nádon diá mokotongod in kita mogaid nanaa moposindog in dinding in kotá tanaa.”

NEHEMIA 4:11

Kon tungkuḷ intua musung nami monomayá kon monubu kon inami dumaḻí-daḻí, bo moḻimod kon inami dá oaidan nami in moigogai.

AYUB 5:12

Iḷamboian-Nea in tomayá in intau diá motuḻid in gina, dinomok-Nea in intau inta mobarong in akaḷ, dá bayongan inta iḷongasi monia in diá motuoi, bo mosia in kinoakaḷan bui in uboḷ monia tontaní.

MAZMUR 33:10

Ki Tuhan in nopogogai kon bayongan in tomayá mita in bangusa mita, Sia in nonginggamá kon niat monia.

MAZMUR 50:15

Pokuanidon kon i-Nakó kon dodai in koantugan in bodito, Poḷuaton-Kubí in moiko, bo moiko in modayowbí kon i-Nakó.”

AMSAL 22:12

Pongin mongokai kon uboḷ in intau inta motombogá, yo ḷukadan i Tuhan sinbá sinotaau inta mobanar in tantú koḷukadan.

MATIUS 26:41

Umuran poḷukad bo posambayang sinbá moiko in diá mokorasa kon sobaan, sin kinotaauan-Ku bidon in moiko, moiko in moibogbí mogaid kon inta kinoibog i Allah, táe moiko in tongábí intau moyangkó.”

LUKAS 21:36

Tuamai in umuran kiḷuka-ḷukadmai bo posambayang sinbá umuran moropot in moiko bo mokobaḻí simindog kon tayowon Adí Intau.”

PETRUS 1 5:8

Mokopoingatdon bo umuran pobasadia in moiko! Sin Ibilis inta saturumu in maya-mayá mako naonda bo singa inta sindaḷan moganggor motayak kon onu inta motaaunea kaanon.