NEHEMIA 4:5 - Alkitab Singog In Mongondow Masa In Tanaa

⁵ Dika ampungan in aid monia inta moraat bo dika ḻiongon in dosa monia, sin mosia in noningkuḻedon kon inami inta koyogot noposindog bui tanaa.”

NEHEMIA 4:5 Iomraidhean Croise

SAMUEL 2 17:2

Tubuonku in sia kon dodai in sia moḷopí bo kobuḻiandon in ropotnea. Taḻikokoganku in sia, dá bayongan in intaunea in moḷaguidon. Tongábí ki Datu Daud in ḻimodonku.

NEHEMIA 4:6

Kon dodai intua kami in umuranbí doman nonompia kon dinding tatua, bo diá noonggot kon tua bayongan in dinding tatua nodaitdon sinompia bui noidapot in tongobotak in koḷantudnea, sin rayat in nogaid takin ibog moḷoben.

MAZMUR 109:14

Biódon mako in aid moraat in mogoguyangnea umuran kotoropan i Tuhan, bo dosa i inánea in diábí popatan.

MAZMUR 51:1

Kon i itoi in mododondong. Mazmur i Daud

MAZMUR 51:9

Potusidon in akuoi, dá modaritbí in akuoi; bataaidon in akuoi, dá akuoibí in mobudo-budó in kapot.

YESAYA 2:9

Batúan in intau in singkuḻeonbí bo poompáan. Dika mongampung kon i monia o Tuhan!

YESAYA 43:25

Táe Akuoi in ki Allah inta nomopat kon dosamu, Inampungan-Ku in iko sin natuabí in sipat-Ku; Akuoi in diá bidon tantú monorop kon dosamu mita.

YESAYA 44:22

Taḷámu in buntunon-Ku naonda bo goḷom, dosamu in untunon-Ku naonda bo topuot. Pobuidon mangoi kon i-Nakó, sin iko in pinoḷuat-Kudon!”

YEREMIA 18:23

Táe iko, Tuhan, nonotaau kon bayongan inta sinomayá monia sin moḻimod kon inakó. Tuamai, dika mongampung kon i monia; dika momopat kon taḷá monia. Bongkugdon in mosia modapot in moḷabú. Aidaidon kon i monia podudui in torú-Mu.”

OMBAḶ 1:22

Taridiaidon in bayongan in aid moraat monia tua, bo aidaimaidon in mosia ná pinogogaid-Mu kon inakó, popisí in bayongan in dosa inta ain inaidanku kon ini-Mu. Mogongot in akuoi kon bonu in roriga, moajar in ginaku bo diá kotaauan mongo mayá in onda.”

TIMOTIUS 2 4:14

Ki Aleksander inta mononontaḷ kon tambaga tua, nomiadon kon inta totok in diá mopia kon inakó. Tongá tuḻíanbí i Tuhan in oaidnea tatua podudui doman in oaidnea.