NEHEMIA 4:21 - Alkitab Singog In Mongondow Masa In Tanaa

²¹ Kami in nogaid pinangkoi kon subupa noidapot in koontongandon in tundi mita kon ḷangit. Tongobotak in nongkon rayat in nonompia kon dinding, bo ibanea mako in moḷukad takin kokada-kadai in pandong.

NEHEMIA 4:21 Iomraidhean Croise

NEHEMIA 4:20

Dá aka moiko mokodongog kon singog in torompet, ḷagidon poyosipun kon ḻibumai nami kon naa. Ki Allah naton in moparangbí sin kopontingan naton.”

NEHEMIA 4:22

Kon dodai intua bayongan in mogogaid takin intau mobobantung monia, pinoki gogaianku kon Yerusalem. Takin natua kon dodai in doḷom motaaudon in kami moḷukad kon kotá bo mobayag monik monompia bui kon dinding.

KORINTUS 1 15:10

Tongá sinotabipabí i Allah, dá oyúonpa komangoi in tanaa. Bo totabi i Allah kon inakó in diábí inta diá in mangaḻenea. Sin akuoibí in moraji-morajing kon sigad in rasul mita ibanea. Táe sabanarnea in deemanbí tongá uḷatku tontaní; táe nongkon i Allahbí inta ain nonotabi kon inakó bo siabí doman inta ain nogaid noyotakinku.

KORINTUS 1 15:58

Tuamai uḻe utatku mita inta kinotabiku, mokoporopot bo kotorindog. Umuran totu-totuu pogundoi kon i Tuhan, sin kinotaauanbí monimu kon bayongan inta inaidan monimu kon i Tuhan, komintanbí baraguna.

GALATIA 6:9

Manangka intua donaaibí mokopomaḷat in mogaid kon inta mopia; sin aka kita bo diá mogogai in mogaid kon inta diá mopia, yo korasaanbí doman naton in koonggotannea.

KOLOSE 1:29

Sinbá koyaputanku intua, dá tuamai akuoi in moramuji totok in mogaid. Akuoi in moramuji takin bayongan ropot inta inogoi i Kristus kon inakó bo inta nongawasa doman kon inakó.