NEHEMIA 4:20 - Alkitab Singog In Mongondow Masa In Tanaa

²⁰ Dá aka moiko mokodongog kon singog in torompet, ḷagidon poyosipun kon ḻibumai nami kon naa. Ki Allah naton in moparangbí sin kopontingan naton.”

NEHEMIA 4:20 Iomraidhean Croise

TAWARIKH 1 19:12

Ki Yoab in noguman kon i ai-ainea tatua, “Aka diádon in akuoi mokotongod in monayow kon tontara in Siria, yo koḷamemetdon angoi bo tuḷungai in akuoi. Natua doman, aka iko bo diádon mokotongod in monayow kon tontara in Amon, dá bayáanku bantungan in iko.

NEHEMIA 4:19

Bo akuoi in noguman kon rayat, intau mita inta doduduianmai bo itoi mita, “Oaidan tanaa in noibaya-bayádon mako noyayú, dá noibaya-bayádon mako in kita kon kinoouput in dinding tanaa, intau mita tobatú noyogiyayúandon in intau ibanea.

NEHEMIA 4:21

Kami in nogaid pinangkoi kon subupa noidapot in koontongandon in tundi mita kon ḷangit. Tongobotak in nongkon rayat in nonompia kon dinding, bo ibanea mako in moḷukad takin kokada-kadai in pandong.

IḶUAIAN 14:14

Ki Tuhan in moposaḷamatbí kon i monimu, bo moiko in dika bidon mogaid kon onu bo onu.”

IḶUAIAN 14:25

Binaḻínea roda mita in kereta tatua diá noburow, dá mororigadon totok monia in mayá. Guman intau in Mesir, “Koḻigai kita moḷagui monaḷámai kon intau Israel, sin ki Tuhandon in moparang monayow kon i naton.”

ZAKHARIA 14:3

Bo ki Tuhan in mayá bo moparang monayow kon bangusa mita tatua, ná inta pinomia-Nea dungkuḷmai.

ULANGAN 1:30

Ki Tuhan Allah in modiabí kon i monimu bo moposaḷamat kon i monimu ná inta ain inontong monimu tontaní kon Mesir

ULANGAN 20:4

Ki Tuhan Allahmu in dumuduibí sin motuḷung kon i monimu, bo Sia in mopountungbí kon inimu.’

ULANGAN 3:22

Dika moondok kon i monia, sin ki Tuhan Allahmu in motuḷungbí kon inimu.”

YOSUA 23:10

Intau tobatú nongkon sigad monimu mokotaḷowbí kon ribuan in intau, sin ki Tuhan Allahmubí in moparang kon kopiaan monimu, ná inta ain pinodandi-Nea.