NEHEMIA 4:17 - Alkitab Singog In Mongondow Masa In Tanaa

¹⁷ inta koyogot in monompiamai kon dinding tatua. Intau mita inta momotaan kon bahan in bangunan nopobayá in oaidan tatua tongá nomaké in ḻima tosimpaḷ, bo ḻima tosimpaḷ in kokada-kadai in pakakat in parang.

NEHEMIA 4:17 Iomraidhean Croise

NEHEMIA 4:13

Tuamai in akuoi nosilai magí-mako kon pitow, pandong bo piot kon rayat, bo sinampatku in mosia pinodudui kon batúan in inanakannea kon ḻikudmai in dinding, kon tampat mita inta diápa noḷapat sinompia.

NEHEMIA 4:16

Táe pinangkoi kon singgai tatua tongá tongobotak nongkon intauku in nogaid, bo inta tongobotakpa doman in noḷukad takin nogiḷambung in ḷambung parang bo nokadai kon pandong, kaḻeaw bo piot. Itoi mita in rayat in notuḷung domandon totu-totuu kon bayongan in rayat

NEHEMIA 4:18

Mogogaid mita kon pondasi in nogaid takin doman koguma-gumá in pitow. Mogogirup kon torompet tomponuot in bahaya, umuran kon diugkumai.

MAZMUR 149:6

Biódon mako mosia in modondong kon i Allah takin singog moḷangon, kokada-kadai in kedang inta ain inatá

DONDONG MOḶANTUD 3:8

inta nobiasadon kon parang. Mosia komintan nopogabit in kedang nosadiadon monayow aka oyúon in monubu doḷom.

DANIEL 9:25

Paisdon bo kotaauandon in naa: Pitu pokali kon pitu notaong, in moitaḻibbí, pinangkoi kon dodai in pinoḷuai in parenta moposindog bui kon Yerusalem, modapot in mamangoi in itoi tobatú inta piniḻí i Allah. Kon bonu in pitu pokali kon onom nopuḷú bodoyowá notaong daḷan mita bo dinding mita in Yerusalem in posindogonbí bui, táe sempo in tatua in mopuḻingbí in roriga.

YOËL 2:8

Mosia in diábí mogogundudan, mosia in mayábí podudui in daḷannea. Moyododai in mosia in mondangat kon bayongan poḷoḷukadan, diábí pomayá mako monia in pipidan in mobontow.

KORINTUS 1 16:13

Umuran mokopoingat! Sindog kotorindog kon bonu in pirisayamu saḷaku intau Keresten. Mokopobarani bo mokoporopot!

KORINTUS 1 16:9

Sin moantó in kasampatanku kon naa in mogaid kon oaidan mita inta baraguna, umpaka mobayong doman in intau momayow.

KORINTUS 1 9:12

Ka intaupa ibanea in motaau moigum kon onukadon kon i monimu, yo apa doman in kami naa, táe doíbí in akuoi? Maníka bo tanggungonkudon tontaní in yagi-yagi dika in oyúon in mobaḻí ḷabot kon popoyaputanku in Habar Mopia soaḷ ki Kristus.

KORINTUS 2 6:7

bo poḷat doman mopotaau in habar nongkon i Allah takin kawasa i Allah, pinoontongdon nami kon kami naa in mogogaid mita kon oaidan i Allah. Kami in kinumadai kon onu in kinoibog i Allah saḷaku ḷoḷutam nami kon moḷawang andeka pobela kon onu in inaidan nami.

PILIPI 1:28

Bo topiḻikmai dikabí moondok kon saturumu mita; sin aka diá moondok in moiko, yo tua in mopoontong kon mosia in taḷowonbí bo moiko in mountung, sin ki Allahbí tontaní in mobogoi intua kon i monimu.

TIMOTIUS 2 2:3

Iko in musti moyotakin rumoriga saḷaku tontara i Kristus inta motoindudui.

TIMOTIUS 2 4:7

Aka ná motanding yo akuoi in dinumuduidon totok kon pinotandingan nodapot kon bares pangabisan. Bo umuran in akuoi notoindudui kon i Kristus Yesus nodapot in pangabisan.