NEHEMIA 4:14 - Alkitab Singog In Mongondow Masa In Tanaa

¹⁴ Naonda in inontongku kon rayat in moondok, noguman in akuoi kon i monia, bo kon mototundú mita bo itoi mita, “Dika moondok kon musung! Toropdon in ki Tuhan inta moropot bo inta motoyang, bo poḷongasidon moyotakin sin kopontingan i utatmu mita, bo kon adí mita bo kon i buḷoi bo baḷoimu!”

NEHEMIA 4:14 Iomraidhean Croise

SAMUEL 2 10:12

Mokoporoton kon gina! Koḻigai kita mokopobarani in moḷongasi sin kopontingan in bangusa naton bo kopontingan in kotá mita i Allah naton. Igumon mako ki Allah in mogaid kon onu in koibog-Nea.”

TAWARIKH 2 32:7

“Korigon in gina bo mokopoyakin; dikabí moondok kon i datu in Asyur andeka kon tontaranea. Kitabí in moropo-ropot in mosia.

NEHEMIA 1:5

“Oo Tuhan Allah inta nongawasa kon soroga. Iko in Allah Inta Moḷoben bo kami in tumayow kon ini-Mu takin moondok totok. Iko in tantúbí mosatia bo nokadai kon dandi-Mu kon intau mita inta motabi kon ini-Mu bo motoindudui kon parenta-Mu.

AYUB 37:22

Sindar mopodara-darag nomuká nongkon utuan, bo kamuliaan i Allah mokoherang kon gina naton.

MAZMUR 143:5

Kinotoropanku in singgai mita inta ain kinotaḻiban; iraiku in bayongan in aid-Mu, sinano-tanobku in bayongan mia-Mu.

MAZMUR 20:7

Tanaa in kinotaauanku kon ki Tuhan in mopountung kon i datu inta piniḻí-Nea. Ki Tuhan in notubag kon inia nongkon soroga inta motusi; pinodoyon kon kawasa i Tuhan pountungon totok.

MAZMUR 27:1

Mazmur i Daud. Ki Tuhan in sindarku bo kasaḷamatanku, diábí in koondokku. Ki Tuhan in nobaḻí benteng pogogadopanku, diábí in akuoi mourot.

MAZMUR 46:11

Kai-Nia, “Pogogaidon moparang; pokotaaudon, Akuoi naa in Allah, Akuoi in momulia kon sigad in bangusa mita, momulia kon sinangkub in butá.”

MAZMUR 65:5

Pia in kamang in intau inta piniḻí-Mu, bo inoiní-Mu mogutun kon Baḷoi-Mu. Kami in pooroponbí in bayongan inta mopia kon Baḷoi-Mu, pogogutunan-Mu inta motusi.

MAZMUR 66:3

Pogumandon kon i Allah, “Totuu mokoherang onu in inaidan-Mu! Musung tumungkud kon ini-Mu takin iḻibutan in ondok, sin totuubí moḷoben in kawasa-Mu.

MAZMUR 66:5

Angoidon bo indoiaidon in aid i Allah, totuu mokotongaw in bayongan inta inaidan-Nea kon sigad in intau!

IḶUAIAN 14:14

Ki Tuhan in moposaḷamatbí kon i monimu, bo moiko in dika bidon mogaid kon onu bo onu.”

IḶUAIAN 14:25

Binaḻínea roda mita in kereta tatua diá noburow, dá mororigadon totok monia in mayá. Guman intau in Mesir, “Koḻigai kita moḷagui monaḷámai kon intau Israel, sin ki Tuhandon in moparang monayow kon i naton.”

MOHOHUTUBA 12:1

Toropbí in ki Inta nomaḻí kon inimu kon tungkuḷ in iko nobagupa, kon dodai in diápa moiangoi in taong mita inta mopuḻing in roriga. Kon tungkuḷ intua iko in moguman, “Kobiaganku in diá mokosanang.”

DANIEL 11:32

Dá takin tompobaḻiknea ki datu tatua nodondouḷug kon intau mita inta ain nonaḷámai kon agama monia, sinbá moibog motuḷung kon inia. Táe intau mita inta motoindudui kon i Allah in nobaranibí in noḷawang kon inia.

ZAKHARIA 14:3

Bo ki Tuhan in mayá bo moparang monayow kon bangusa mita tatua, ná inta pinomia-Nea dungkuḷmai.

PINOGIAPAN 14:9

Dikabí moḷawang kon i Tuhan, bo dika moondok kon intau inta nogutun kon butá tatua, sin diábí moyoyiga naton in monaḷow kon i monia. Inta noḷukad kon i monia tua aindon nonaḷámai kon i monia, bo ki Tuhan in kotaki-takin naton. Dá, dikabí moondok.”

MATIUS 10:28

Bo donaaibí moondok kon i monia inta moḻimod kon awak, táe diá inogoian in kawasa morabut kon nyawa. Kotoguondokbí kon i Allah inta kokawasa moḻimod kon awak bo morabut kon nyawa kon bonu in naraka.

ULANGAN 10:17

Ki Tuhan Allahmu noiḻimonik kon bayongan in ilah bo noiḻiu kon bayongan in kawasa. Sia in Allah inta moḷoben bo mokawasa inta musti duduian. Sia in doíbí tongá momiḻí bo doí doman Sia uboḻian.

IBRANI 13:6

Tuamai mobaranibí in kita moguman, “Ki Tuhan in mototuḷungku, tuamai akuoi in diá moondok. Onubí in motaau aidan in intau kon inakó?”

YOSUA 1:9

Pokotorop, Akuoi ain nomarenta kon inimu sinbá totu-totuudon in iko moyakin bo mobarani! Dika in iko moondok ande mogagawang, sin Akuoi ki Tuhan Allahmu in umuranbí kotaki-takinmu kon ondakabí in bayáanmu.”

HAKIM MITA 3:27

Naonda in nodapot kon buḷud in Epraim, sia in nogirup kon torompet sin mogoiní kon intau in Israel moparang. Mosia in namangoi bo dinianea in mosia nosiḻig kon buḷud tatua.