NEHEMIA 3:1 - Alkitab Singog In Mongondow Masa In Tanaa

¹ Naa in boba-bobayánea kon pinonompiaan kon dinding in Yerusalem. Imang Moḷoben ki Elyasib bo totakinnea mita noposindog bui in Bonawang Domba, nopoguḻit in ḷoḻingkopnea mita bo sinondídon kon i Tuhan. Sinompia monia bo nonondí kon dinding noidapot kon Ḷangkeang Mogatut bo noidapot kon Ḷangkeang Hananeel.

NEHEMIA 3:1 Iomraidhean Croise

NEHEMIA 12:10

Naa in buí inanakan i Imang Moḷoben ki Yesua: ki Yesua, ki Yoyakim, ki Elyasib, ki Yoyada,

NEHEMIA 12:30

Imang mita bo intau mita in Lewi tatua nopobayá in upacara pondaritan kon awak monia onda intua kon i rayat, bo kon ḷoḻingkop mita in moḷoben bo dinding in kotá.

NEHEMIA 12:39

Bo kami in nongin Bonawang Epraim, Bonawang Koyongan, Bonawang Toyá, Ḷangkeang Hananeel bo Ḷangkeang Mea noidapot kon Bonawang Domba. Pipidan nami in nogogai kon diug in Bonawang Poḷoḷukadan kon diug in Baḷoi Tuhan.

NEHEMIA 13:28

Ki Yoyada in ki adí i Imang Moḷoben ki Elyasib, táe tobatú kon sigad i adí i Yoyada in nobaḻí mototaka i Sanbalat nongkon kotá in Bet-Horon. Tuamai ki Yoyada pinoguntunku nongkon Yerusalem.

NEHEMIA 13:4

Kon tungkuḷ intua ki Imang Elyasib, inta pinoki ḷukadan in gopot mita inta pinotagúan kon tongkaaḷ mita kon Baḷoi Tuhan, noyobayat nopia i Tobia.

NEHEMIA 6:1

Ki Sanbalat, ki Tobia, ki Gesyem bo musung mita nami ibanea inta nokodongog kon kami in nokoḷapatdon nonompia kon dinding, bo bubúnea in nodaitdon pinaḷonan, umpaka kon dodai intua diápa binambé nami in ḷoḻingkop mita kon ngara mita in kotá.

NEHEMIA 7:1

Naonda in dinding tatua noḷapatdon, pinoki bambékudon in ḷoḻingkopnea mita. Bo moḷoḷukad mita kon bonawang, mododondong mita bo intau mita in Lewi in pinotabákudon nogaid kon oaidannea-oaidannea.

MAZMUR 30:1

Mazmur i Daud. Dondong pongimpaḷutan kon baḷoi i Allah.

MAZMUR 48:12

Biódon mako rayat in Sion bo Yohuda norogiow pia in gina, sin ihukum-Mu in musung monia.

AMSAL 3:6

Toropbí in ki Tuhan kon bayongan in aidanmu, dá tundúon-Neabí in kobobiagmu inta mopia.

AMSAL 3:9

Horomat in ki Tuhan pongin moposumba kon i-Nia in inta mopia totok nongkon bayongan kapunyaanmu bo nongkon bungai in pinomuḷamu,

YEREMIA 31:38

Ki Tuhan in noguman, “Moiangoibí in wakutunea bayongan in Yerusalem posindogon bui saḷaku kotá-Ku, nongkon Ḷangkeang in Hananeel modapot in Bonawang Sikunea.

DANIEL 9:25

Paisdon bo kotaauandon in naa: Pitu pokali kon pitu notaong, in moitaḻibbí, pinangkoi kon dodai in pinoḷuai in parenta moposindog bui kon Yerusalem, modapot in mamangoi in itoi tobatú inta piniḻí i Allah. Kon bonu in pitu pokali kon onom nopuḷú bodoyowá notaong daḷan mita bo dinding mita in Yerusalem in posindogonbí bui, táe sempo in tatua in mopuḻingbí in roriga.

ZAKHARIA 14:10

Sinangkub in butá nongkon Geba kon utuan modapot in Rimon kon toḷatan, in mobaḻí butá motondodai. Táe Yerusalem in moisindogdon moḷantud totok, moḷantu-ḷantud nongkon butá mita inta kon diugneamai; kotá tatua in moibendar nongkon Bonawang in Benyamin modapot in Bonawang Sikunea, tuata in bonawang Dungkuḷ bo nongkon Ḷangkeang in Hananeel modapot kon pomomugutan kon anggur kapunyaan i datu.

YOHANES 5:2

Kon Yerusalem kon diug in tampat inta sinangoian “Ngara in Domba” oyúon in tobatú tabang, inta aka kon bonu in bahasa Ibrani sinangoian Betesda. Kon tua ḻima in tampat pobobarasanangan.

ULANGAN 20:5

Onda intua porwira mita musti mopotaau in tosingogon mita tanaa kon inimu, ‘Oyúon degá in kon sigad monimu in intau inta bagu noposindog in baḷoi, táe diápa nomia kon upacara kinoḷapatannea? Aka oyúon, yo motaaubí in sia mobui. Sin aka sia koḻimodan kon parang, dá intau ibaneadon in mogutun kon baḷoinea.