NEHEMIA 2:8 - Alkitab Singog In Mongondow Masa In Tanaa

⁸ Koḻikud intua, noigum doman in akuoi kon surat ogoi kon i Asap, intau inta moḷoḷukad kon kayuon in dodatuan, sinbá sadiaannea in kayu inta pakéon pogaid kon ḷoḻingkop in bonawang dinding kon diug in Baḷoi Tuhan, bo pakéon kon dinding in kotá bo baḷoi inta pogutunanku. Onu in pinoigumku nodait dinuduian i datu, sin ki Allah in notuḷung kon inakó.

NEHEMIA 2:8 Iomraidhean Croise

KINOBAḺIAN 32:28

Intau tatua in noguman, “Tangoimu in deeman bidon ki Yakub. Iko noridomokdon takin i Allah bo takin intau, bo iko in nokountung; tuamai tangoimu in ki Israel bidon.”

EZRA 5:5

Táe ki Allah in noindoi mako bo nogoḻiung kon itoi mita in Yahudi tatua, dá intau mita moḷoben pomarenta in Persia nonantúdon kon diádon mopogogai kon i monia kon dodai in mosia diápa mokidia in surat kon i Darius bo motarima kon tubagnea.

EZRA 6:22

Pitu nosinggai in koonggotnea in mosia takin sanang in gina norame kon Singgai moḷoben in Roti diá Iragian. Mosanang totok in gina monia sin ki Tuhan ain nopobaḻí kon i datu in Asyur mopia in gina kon i monia dá notuḷungdon kon i monia kon oaidan noposindog bui in Baḷoi Tuhan, Allah in Israel.

EZRA 6:8

Poyotakinon in naa akuoi momarenta kon i Utat mita mobantung kon i monia mogaid kon oaidan monia tatua takin aid nanaa: Bayongan in boḻi in oaidan poposindogan bui in Baḷoi tatua musti gamáan nongkon pajak in negara kon propinsi in Eprat Toyopan bo musti uboḻian kon intau mita tatua takin diábí baḷú-baḷuian in wakutunea.

EZRA 7:6

Ki Ezra in intau tobatú inta nosikoḷa bo nobayong in kinotaauannea in soaḷ Hukum inta inogoi i Tuhan, Allah in Israel kon i Musa. Popisí in ki Ezra binarakatan i Tuhan Allahnea, dá ki datu in nobogoi kon inia in bayongan inta pinoigumnea. Kon taong impitunea kon pinomarentaan i Datu Artahsasta, nobuatdon in ki Ezra nongkon Babel bo minayá in Yerusalem noyotakin in topaanan in intau Israel inta imang mita, intau in Lewi, mododondong bo moḷoḷukad kon ngara kon Baḷoi Tuhan, bo mogogaid mita.

NEHEMIA 7:2

Pomarentaan kon kotá in Yerusalem inogoiku kon i utatku ki Hanani bo kon i Hananya, Tongguḷu totok in tontara inta moḷukad kon benteng, sin sia in noiḻiu kon intau ibanea, moondok kon i Allah bo motaau pirisayaan.

AMSAL 21:1

Naonda bo pononompia i Tuhan kon tubig in ongkag sinbá moiḻig podudui in ibog-Nea, natua doman in pokokapit-Nea kon raian in datu.

MOHOHUTUBA 2:6

Kinaḻiku in tabang mita sinbá oyúon in tubig kon taman mita bo kon gobá mita tatua.

YESAYA 66:14

Mokoontongmai kon tua, mopiabí totok in gina monimu bo moropotdon bui bo mosehat naonda bo bonok mobagu. Dá mogogundoi-Ku mita in mokoalamibí kon kawasa-Ku bo musung-Ku mita in mokorasa kon torú-Ku.”

OUMAN IN RASUL MITA 26:22

Táe tantúpabí sinotabi i Allah in akuoi dá notaaupabí sinimindog kon naa in tanaa mako bo mongonguman kon bayongan inta ain kinorasaanku kon bayongan intau – moḷoben andeka mointok. Onu in inoumanku naa in diábí noyoposi in onu inta ain muna pinoguman in nabi mita bo i Musa;

OUMAN IN RASUL MITA 7:10

bo pinilatan i Allah in sia kon bayongan roriga bo inogoian in totabi bo pandoi wakutu in minayá kon tayowon i Piraun datu intau in Mesir tua, sahingga in binaḻí i Piraun gubernur kon butá in Mesir bo nongawasa kon bonu in komaḻig i Piraun.

KORINTUS 2 8:16

Sukurdon mako kon i Allah, sin ki Titus in pinoporajing-Neapa naonda bo kami inta umuran noibog notuḷung kon i monimu!