NEHEMIA 2:4 - Alkitab Singog In Mongondow Masa In Tanaa

⁴ Ki datu in noḻibó, “Dá, onu in koibogmu?” Akuoi in nosambayang kon i Allah inta nongawasa kon soroga,

NEHEMIA 2:4 Iomraidhean Croise

SAMUEL 2 15:31

Naonda in pinotaaudon kon i Daud kon ki Ahitopel in sinumakin doman kon komplotan i Absalom, nosambayangdon in ki Daud nanaa, “Oo, Tuhan, poigumon mako poyayúon-Mudon in tonggina i Ahitopel!”

DATU MITA IMITÁNEA 3:5

Doḷom tua ki Tuhan in nokipogontong kon inia kon bonu in togoindop bo noguman, “Salomo, igumdon onuka in koibogmu, ogoi-Kubí intua kon inimu!”

NEHEMIA 1:11

Indongogaipa in sambayangku bo sambayang in bayongan mogogundoi-Mu mita ibanea, inta moibog mohoromat kon ini-Mu. Tuḷungaipa sinbá kon singgai in naa mogogundoi-Mu in mokouḻídon kon totabi nongkon i datu.” Kon dodai intua akuoi in mopoposadia in oinumon i datu.

NEHEMIA 1:4

Nokodongogmai kon habar tatua, iḻimitú in akuoi bo nongombaḷ. Tongonumai nosinggai norobonoḷ totok in ginaku. Akuoi in umuran mopuasa poḷat mosambayang kon i Allah,

NEHEMIA 1:5

“Oo Tuhan Allah inta nongawasa kon soroga. Iko in Allah Inta Moḷoben bo kami in tumayow kon ini-Mu takin moondok totok. Iko in tantúbí mosatia bo nokadai kon dandi-Mu kon intau mita inta motabi kon ini-Mu bo motoindudui kon parenta-Mu.

NEHEMIA 2:20

Akuoi in notubag, “Ki Allah inta nongawasa kon soroga in motuḷung kon inami moginḷapat kon oaidan tanaa. Kami naa in mogogundoi-Nea mita bo kami in momangkoidon moposindog. Táe moiko in diábí in hak andeka kapunyaan onuka in kon Yerusalem. Nodapot in aka intau mokoouman kon Yerusalem, tangoimu in diábí kotango-tangoian.”

NEHEMIA 2:5

bodongka noguman kon i datu, “Aka mokosanang kon gina i Tuang bo moibog mobogoi kon onu inta poigumon in bobantung naa, potabádon in bobantung naa mayá in butá in Yohuda sin moposindog bui in kotá pinoḷobongan kon mogoguyang in bobantung naa.”

ESTER 5:3

Bo ki datu in noḻibó, “Nongonu uḻe, Buḷoiku? Onu in koibogmu? Pogumandon! Umpakabí tongo botak in dodatuan ku in igumonmu, yo ogoikubí doman.”

ESTER 5:6

Kon dodai in nonginum kon anggur, ki datu in noḻibó, “Tanaa in pogumandon mongo onu in koibogmu. Onukabí in poigumonmu ogoikubí, umpakabí tongo botak in dodatuan ku!”

ESTER 7:2

Koyogot in nonginum kon anggur, ki datu in noḻibó bui kon i Ester, “Uḻe, Buḷoiku, onu in koibogmu? Pogumandon! Notantú bidon kon ogoikubí umpakabí igumonmu in tongo botak in dodatuan ku.”

MAZMUR 136:26

Posukurdon kon i Allah inta nongawasa kon ḷangit; tabi-Nea in umuran mononoi.

AMSAL 3:6

Toropbí in ki Tuhan kon bayongan in aidanmu, dá tundúon-Neabí in kobobiagmu inta mopia.

MARKUS 10:51

Iḻibó i Yesus kon inia, “Onu in koibogmu aidan-Ku kon inimu?” Intau bilog tatua in noguman, “Pak Guru, akuoi moibog mokoontong.”

OUMAN IN RASUL MITA 23:19

Dá itoi in tontara tatua in nokapit kon ede in tayowmobiag tatua bo minayá sinumontaní kon toḷosimai bo noḻibó, “Onu in paraḷumu poguman kon inakó?”

PILIPI 4:6

Donaai moḻia-ḻiaw in ginamu kon bayongan yagi-yagi. Onukabí in aidanmu umuran posambayang bo pogumandon kon i Allah onu in igumonmu. Onu in paraḷumu umurandon potaau kon i Allah bo dika mokoḻiong in mopoyaput in sukur kon i-Nia.