NEHEMIA 2:19 - Alkitab Singog In Mongondow Masa In Tanaa

¹⁹ Naonda in tomayá nami tatua kinotaauan i Sanbalat, i Tobia bo i Gesyem, intau in Arab, kinosingan bo siningkuḻe monia in kami. Guman monia, “Onu in aidan monimu? Degá momarontak in moiko kon i datu?”

NEHEMIA 2:19 Iomraidhean Croise

NEHEMIA 13:28

Ki Yoyada in ki adí i Imang Moḷoben ki Elyasib, táe tobatú kon sigad i adí i Yoyada in nobaḻí mototaka i Sanbalat nongkon kotá in Bet-Horon. Tuamai ki Yoyada pinoguntunku nongkon Yerusalem.

NEHEMIA 2:10

Táe naonda in ki Sanbalat, intau in Bet-Horon, bo ki Tobia, pojabat tobatú nongkon Amon, in nokodongog kon akuoi in namangoi kon kopontingan in bangusa in Israel, nobú totok in mosia.

NEHEMIA 4:1

Naonda in ki Sanbalat nokodongog kon kami intau in Yahudi koyogot in monompia kon dinding in kotá sinumorú totok in sia bo nomangkoidon nokopoonagmai kon inami.

NEHEMIA 6:6

inta nanaa in pinais: “Ki Gesyem in nongakubí kon oyúonbí in unsingog mita in bangusa mita kon diugmai naa, inta noguman kon ki utat bo bayongan in intau in Yahudi in monomayá kon momarontak, dá tuamai in ki utat monompia kon dinding in kotá. Sia in noguman doman kon ki utat in dumuídon datu in Yohuda,

NEHEMIA 6:9

Mosia in moḷongasi mopogogondok kon inami sinbá gogaiandon nami in oaidan tatua. Akuoi in nosambayang, “Oo Allah, iropotai in akuoi!”

AYUB 30:1

Táe tanaa akuoi in siningkuḻe in intau mita inta ai-aiku mita. Dungkuḷmai ki amá monia inanggapku diá patus moḷukad kon dombaku moyotakin in ungkú moḷoḷukad.

MAZMUR 123:4

Tugatdon in pinogogempeng in intau nooyúon kon inami, bo singkuḻe in intau mita moḷoḷatú.

MAZMUR 79:4

Kami in tororebeg mako in bangusa mita topodiugmai, kinosingan monia bo siningkuḻe monia in kami.

MAZMUR 80:6

Inogoi-Mu kon inami in uwang mobaḻí kaanon, bo ḷuá mobayong in oinumon.

MAZMUR 80:7

Pinomayá-Mu mako in bangusa mita topodiugmai nobobayowan soaḷ butá nami musung mita nami in kinumosing takin ḷunganga in gina.

YESAYA 36:5

kainimu kamai tongá tosingogon mokobaḷui kon akaḷ bo ropot in tontara? Ki ine in pongatamu modapot in iko in mokobaḻí monayow kon Asyur?

YEREMIA 20:8

Pomuḷoi in akuoi mosingog, musti in akuoi momaḷú rumopot totok, “Ḷoḻinga! Bodito!” Tuhan, akuoi in irebeg bo siningkuḻe pomuḷoi mako, popisí in nopotaau in koyow-Mu.

YEREMIA 41:10

Onda intua ki Ismael in nodomok kon adí mita bobay i datu bo bayongan in intau mita inta oyúonpa kon Mizpa inta ain inogoi i Nebuzaradan kon bonu in kawasa i Gedalya. Dinakop i Ismael in mosia bodongka nobuat minayá takin i monia nopobayá ná butá in Amon.

MATIUS 9:24

Sia noguman kon i monia, “Bayádon, sin adí tanaa in diábí minatoi, tongábí nosiug in sia.” Táe kinosingan monia in ki Yesus.

MARKUS 5:40

Táe kinosingan monia in ki Yesus. Dá pinoki ḷuaian-Nea in mosia komintan. Onda intua dinia i Yesus in ki iná bo ki amá in adí tatua takin murí-Nea taya toḷu bo sinumuot kon gopot in adí tatua.

LUKAS 23:2

Kon tua in mosia mulaidon bo moponapud in tosingogon diá totuu kon i-Nia. Mosia in noguman, “Kinokadapatandon nami intau tanaa in notundú kon diá totuu kon intau moantó. Bo bayongan intau in daiton-Nea pongaruon sinbá doí moguboḻi kon pajak kon i Kaisar, sin kai-Nia Sia in tobatú Datu Mopoposaḷamat.”

YOHANES 19:12

Nokodongogmai kon natua in ki Pilatus, totokdon ramujionnea pobebason in ki Yesus. Táe intau mita in Yahudi totokdon momaḷú in moguman, “Aka ki Tuang mopobebas kon i Nia, yo ki Tuang in deeman yobayat i Kaisar!”

OUMAN IN RASUL MITA 24:5

Aindon kinokadapatan nami kon intau tanaa mongongacaubí inta mokobahaya. Sin kon ondakabí in bayáannea, sia in umuran mokopomuká kon ropatoi kon sigad in intau Yahudi. Sia naa in nobaḻídon itoi intau in Nazaret.

IBRANI 11:36

Oyúon in irupa-rupamai, sinambok, sinogot in rante bo pinobonu kon ponjara.