NEHEMIA 2:17 - Alkitab Singog In Mongondow Masa In Tanaa

¹⁷ Táe onda intua noguman in akuoi kon i monia, “Indoiai in kaadaan naton inta moyoyiga tanaa! Yerusalem in dongkadon utag mita bo bonawangnea mita in kinaandon komintan in tuḷú. Koḻigai bá posindogondon bui naton in dinding mita in kotá in Yerusalem sinbá diádon in kita poonagonmai.”

NEHEMIA 2:17 Iomraidhean Croise

EZRA 9:9

Kon tungkuḷ in kami kon pinononggataanpa, diábí sinaḷáan-Mu in kami. Binaḻí-Mu in kami kinotabi in datu mita in Persia bo pinomayá mako in nobiag bo noposindog bui in Baḷoi-Mu inta dongkadon rumbunnea tua. Iḷukadan-Mu in kami in kon naa, kon Yohuda bo kon Yerusalem.

NEHEMIA 1:3

Inouman monia kon intau mita inta nokoimontandon iḷumbú inta ain nobui kon butá tatua, tanaa in nobiag nororiga bo siningkuḻe in bangusa mita ibanea inta kon diugneamai. Apadoman, dinding mita in kotá in Yerusalem norimumudpa posiyayit bo bonawangnea mita in diápa sinompia pinangkoipa kon sinurub mako kon tungkuḷ intua.

NEHEMIA 2:13

Nodoḷompa in dodai intua, kon tungkuḷ in kami nonaḷámai kon kotá nongin Bonawang Ḷopá kon dotá in toyopan. Kami in nopobayá ná toḷatan, minayá ná Bonawang Yoyatan, nongin Bokaká in Naga. Kon binayáan tatua akuoi in nonaridi kon dinding mita in kotá inta nogoguyaat bo inontongku doman in bonawang inta ain nodait kinaan in tuḷú.

NEHEMIA 2:16

Diá tobatúmai in nongkon intau mita inta sinon itoi in rayat in nonotaau kon inakó minayá, bo onu in sinomayáku. Sin noidapot in tungkuḷ intua diápabí in akuoi noguman kon onu bo onu kon intau mita tobangusaku, pinomayá kon imang mita andeka kon itoi mita, andeka kon pogawai mita, bo kon i inekabí inta dumudui moposindog bui in kotá in Yerusalem.

MAZMUR 102:15

Sin mogogundoi-Mu in moibog kon inia, umpaka nobaḻídon apug in sia. Mosia angoian in tabi kon inia, umpaka nobaḻídon in sia ḷobud.

MAZMUR 44:13

Pinotaḷui-Mu in umat-Mu totuu moompá in boḻinea, bo diá nokouḻí kon kauntungan onu bo onu.

MAZMUR 44:14

Binaḻí-Mu in kami tososingkuḻe in topodiug mita mosia in mopoḷoḻekemai bo kumosing kon inami.

MAZMUR 79:12

O Tuhan, tuḻíaidon in bangusa mita tatua kopitu noguntuḷ in kororiganea popisí in bayongan in singkuḻe monia kon ini-Mu.

MAZMUR 79:4

Kami in tororebeg mako in bangusa mita topodiugmai, kinosingan monia bo siningkuḻe monia in kami.

YEREMIA 24:9

Akuoi in mopoboditobí kon i monia námai tua modapot in bayongan in bangusa kon sinangkub in dunia mobaḻídon moondok. Kon ondakabí in pobogoian-Ku kon i monia, mosia in singkuḻeonbí, binaḻí kokosingan bo rebegonmai. Tangoi monia in pakéon mobaḻí kutukan.

OMBAḶ 2:2

Bayongan in rawang in bonok kon butá in Yohuda, irimumud-Nea takin diá in tabi. Kon bonu in torú-Nea dinangatan-Nea nodapot in noumpag in dinding mita inta nogoḻingoi kon butá tatua. Dodatuan tatua takin itoinea mita iḷabú-Nea nodapot in mokooyádon.

OMBAḶ 3:51

Ginaku in noajardon in nokoontong kon ukur in bobay mita kon kotá nami.

YEHEZKIEL 5:14

Iko in mobaḻídon apug mita inta diá in baragunanea bo bangusa mita inta kon ḻibumumai in morebeg kon inimu; bayongan in intau inta moitaḻib in yumayúbí kon inimu.

MIKHA 7:11

Ei Yerusalem! Wakutumudon bui moposindog in dinding mita in kotámu. Kon singgai tatua butámu in dugangandon in kooḷadnea.

SAMUEL 1 11:2

Ki Nahas in notubag, “Takin sarat tanaa akuoi in momia kon dodandian, ‘Mata koḷananmu kon batúannea in turakonku saḷaku singkuḻe kon bayongan in Israel!’ ”