NEHEMIA 2:15 - Alkitab Singog In Mongondow Masa In Tanaa

¹⁵ Dá kami in nosiḻig kon Ḷopá in Kidron bo nongingguput kon bobayáan doḷom tua, sindaḷan monaridi kon dinding in kotá. Onda intua kami nomurow bo nobui kon kotá nongin Bonawang Ḷopá.

NEHEMIA 2:15 Iomraidhean Croise

SAMUEL 2 15:23

Bayongan in intau nongombaḷ totok naonda in tontara mita i Daud nonaḷámai kon kotá. Onda intua ki datu iḷumoḷan kon tapá in Ongkag in Kidron dinuduian in bayongan in tontaranea, bo minayádon in mosia nopobayá ná padang gurun.

TAWARIKH 2 26:9

Sinbá moropot in kotá in Yerusalem, dá ki Uzia in noposindog in ḷangkeang kon Bonawang Sikunea, kon Bonawang in Ḷopá bo kon kinoboyukan in dinding.

NEHEMIA 2:16

Diá tobatúmai in nongkon intau mita inta sinon itoi in rayat in nonotaau kon inakó minayá, bo onu in sinomayáku. Sin noidapot in tungkuḷ intua diápabí in akuoi noguman kon onu bo onu kon intau mita tobangusaku, pinomayá kon imang mita andeka kon itoi mita, andeka kon pogawai mita, bo kon i inekabí inta dumudui moposindog bui in kotá in Yerusalem.

YOHANES 18:1

Naonda in ki Yesus nosambayang mako natua, Sia takin murí-Nea mita minayádon kon ḷoḷan Ongkag in Kidron. Kon tua oyúon in tobatú taman, bo ki Yesus takin murí-Nea mita sinumuot kon taman tatua.