NEHEMIA 2:10 - Alkitab Singog In Mongondow Masa In Tanaa

¹⁰ Táe naonda in ki Sanbalat, intau in Bet-Horon, bo ki Tobia, pojabat tobatú nongkon Amon, in nokodongog kon akuoi in namangoi kon kopontingan in bangusa in Israel, nobú totok in mosia.

NEHEMIA 2:10 Iomraidhean Croise

NEHEMIA 13:1

Kon dodai in hukum i Musa binaca kon rayat, nouḻídon in katarangan tanaa: ‘Intau in Amon bo Moab in diábí motaau in dumugang kon umat i Allah;

NEHEMIA 13:28

Ki Yoyada in ki adí i Imang Moḷoben ki Elyasib, táe tobatú kon sigad i adí i Yoyada in nobaḻí mototaka i Sanbalat nongkon kotá in Bet-Horon. Tuamai ki Yoyada pinoguntunku nongkon Yerusalem.

NEHEMIA 13:4

Kon tungkuḷ intua ki Imang Elyasib, inta pinoki ḷukadan in gopot mita inta pinotagúan kon tongkaaḷ mita kon Baḷoi Tuhan, noyobayat nopia i Tobia.

NEHEMIA 2:19

Naonda in tomayá nami tatua kinotaauan i Sanbalat, i Tobia bo i Gesyem, intau in Arab, kinosingan bo siningkuḻe monia in kami. Guman monia, “Onu in aidan monimu? Degá momarontak in moiko kon i datu?”

NEHEMIA 4:7

Naonda in ki Sanbalat, ki Tobia bo intau mita nongkon Amon bo Asdod bo intau mita in Arab nokodongog kon pinonompiaan kon dinding in Yerusalem tatua in totuu motoyong bo bubú mita kon dinding in nomangkoidon pinaḷonan, sinumorúdon totok in mosia.

NEHEMIA 6:1

Ki Sanbalat, ki Tobia, ki Gesyem bo musung mita nami ibanea inta nokodongog kon kami in nokoḷapatdon nonompia kon dinding, bo bubúnea in nodaitdon pinaḷonan, umpaka kon dodai intua diápa binambé nami in ḷoḻingkop mita kon ngara mita in kotá.

NEHEMIA 6:16

Naonda in musung mita nami kon sigad in bangusa mita kon diugmai tua nokodongog kon tua, nooyá in mosia sin kinotaauandon monia kon oaidan tatua in inaidanbí pinodoyon kon totuḷung i Allah.

ESTER 10:3

Ki Mordekhai, intau in Yahudi tatua in tantúbí nokantang kon oaidan moḷantud kon ḻimonagan i Datu Ahasyweros. Ki Mordekhai in ihoromat bo kinoibog in intau mita tongobangusanea. Sia in noḷongasi nogaid sin kasaḷamatan bo kobiagan motompia in bangusanea bo bayongan in buí monia.

MAZMUR 112:10

Intau moraat nokoontong kon tua bo sinumorú; mosia in noporokokot in bagang popisí in nondoí. Bo noyopú in mosia; kamang monia in noinggamá nodapot in mononoi.

AMSAL 27:4

Torú tua in moromú bo mokorimumud, táe tumayow kon intoi ki ine in mokoigon?

AMSAL 30:22

bobantung tobatú inta nobaḻí datu, intau bodok tobatú inta nokouḻí kon bayongan inta kinoibognea,

MOHOHUTUBA 10:7

Nokoimontan inontongku in ata mita sinumakoi kon kabaḷo bo inanakan intau moḷoben maya-mayá in sioḷ naonda bo ata.

YESAYA 15:5

Akuoi in motabi kon Moab! Intaunea in noḷagui minayá in kotá in Zoar bo kon Eglat-Selisia. Oyúon in notakod kon daḷan nopobayá ná Luhit sindaḷan nongombaḷ; oyúon in noḷagui minayá in Horonaim sindaḷan kumarak sin kinoantugan in bodito.

YEREMIA 41:10

Onda intua ki Ismael in nodomok kon adí mita bobay i datu bo bayongan in intau mita inta oyúonpa kon Mizpa inta ain inogoi i Nebuzaradan kon bonu in kawasa i Gedalya. Dinakop i Ismael in mosia bodongka nobuat minayá takin i monia nopobayá ná butá in Amon.

YEREMIA 48:34

Intau kon Hesybon bo kon Eleale in mongombaḷ bo ombaḷnea in kodongogan modapot kon Yahas, bo kinodongogan doman in intau mita nongkon Zoar nodapot kon Horonaim bo Eglat-Selisia. Mosia in nongombaḷ sin tubig kon Tapá in Nimrim in noingkag domandon.

YEREMIA 48:5

Indongogai in singog in ombaḷ kon daḷan motakod kon Luhit, bo singog amui kon daḷan mosiḻig kon Horonaim.

OUMAN IN RASUL MITA 4:2

Mosia in sinumorú kon i nayadua sin mosia ain notundú bo nopotaau kon intau mita kon ki Yesus aindon nobiag bui nongkon kinopatoian-Nea. Tua in nobaḻí bukti kon intau matoi in mobiagbí bui.

OUMAN IN RASUL MITA 5:24

Naonda itoi moḷoḷukad kon Baḷoi Tuhan bo imang mita itoi nokodongog kon onu inta pinoguman monia tua, mosia in noondok bo poḷat noḻibó mongo onu in nobaḻí kon rasul mita tatua.