NEHEMIA 2:1 - Alkitab Singog In Mongondow Masa In Tanaa

¹ Kon singgai tobatú, opat nobuḷan noiduduimai, inta kon buḷan Nisan, kon dodai in ki Datu Artahsasta koyogot in mongaan, akuoi in nobogoi in anggur kon inia takin molamurú mako. Diápabí kon dodai in onda natua in akuoi kon tayowonnea ná singgai tua.

NEHEMIA 2:1 Iomraidhean Croise

KINOBAḺIAN 40:11

Kon dodai intua akuoi kokada-kadai in galas pongonginuman i datu, dá ginamáku in bungai in anggur tatua bo pinugutku kon bonu in galas i datu, bodongka binayáku inogoi sin inumon i datu.”

KINOBAḺIAN 40:21

Itoi in mopoposadia kon oinumon pinopobuineadon kon oaidannea koḻipod.

EZRA 4:7

Ná doman tua in kon pinomarentaan i Artahsasta, kaisar in Persia, tua in nobaḻí bui: ki Bislam, ki Mitredat, ki Tabeel bo yobayat mita monia in nomais kon surat kon i datu. Surat tatua in pinais kon bonu in tosingogon in Aram, bo musti terjemahan kon dodai in bacaan.

EZRA 7:1

Tongonumai notaong noiduduimai kon tua, kon dodai in ki Artahsasta nomarenta nobaḻí datu in Persia, oyúon in ḷoḷaki tobatú tangoinea in ki Ezra, nongkon buí i Imang Moḷoben ki Harun. Pipidan in pinomuíannea nongkon ḻimonag bo pinoonik in noiduduimai naa: Ki Ezra Ki Seraya Ki Azarya Ki Hilkia

NEHEMIA 1:1

Naa in lapuran i Nehemia ki adí i Hakhalya soaḷ inta inaidannea mita. Kon buḷan Kislew kon taong indoyowa nopuḷú kon pinomarentaan i Artahsasta saḷaku datu in Persia, akuoi, ki Nehemia, in kon Susan, ibukotá in dodatuan.

NEHEMIA 1:11

Indongogaipa in sambayangku bo sambayang in bayongan mogogundoi-Mu mita ibanea, inta moibog mohoromat kon ini-Mu. Tuḷungaipa sinbá kon singgai in naa mogogundoi-Mu in mokouḻídon kon totabi nongkon i datu.” Kon dodai intua akuoi in mopoposadia in oinumon i datu.

ESTER 3:7

Kon taong impuḷú bodoyowá kon pinomarentaan i Datu Ahasyweros, kon buḷan imitánea, inta buḷan Nisan, ki Haman in nopotabá mopogonik in undi inta sinangoi “purim” sin monotaau singgai bo buḷan táonda inta moyokaan in popobayáannea in tomayánea inta moraat tatua. Dá sinantúdon kon singgai impuḷú bo toḷúnea buḷan impuḷú bodoyowánea, tuata in buḷan Adar.

DANIEL 9:25

Paisdon bo kotaauandon in naa: Pitu pokali kon pitu notaong, in moitaḻibbí, pinangkoi kon dodai in pinoḷuai in parenta moposindog bui kon Yerusalem, modapot in mamangoi in itoi tobatú inta piniḻí i Allah. Kon bonu in pitu pokali kon onom nopuḷú bodoyowá notaong daḷan mita bo dinding mita in Yerusalem in posindogonbí bui, táe sempo in tatua in mopuḻingbí in roriga.