NEHEMIA 13:9 - Alkitab Singog In Mongondow Masa In Tanaa

⁹ Onda intua pinoki aidanku in upacara pondaritan kon gopot mita tatua. Nopaḷut mako kon tua sinagúkudon bui kon tua in bayongan sosumba gandum bo kamania bo pakakat mita in Baḷoi Tuhan.

NEHEMIA 13:9 Iomraidhean Croise

TAWARIKH 2 29:5

bo noyosingog in sia takin i monia kon tua. Sia in noguman, “Moiko intau mita in Lewi, musti mopotondí in awak monimu kon i Tuhan, bo mopotusi in Baḷoi Tuhan, Allah in mogoguyangmu. Bayongan inta mokonajis kon baḷoi tatua mustibí poyayúon.

NEHEMIA 10:37

Kami in mogatod doman kon imang mita kon Baḷoi Tuhan in pomiaan kukis nongkon gandum inta muna-munamai kinoyut pomuḷoi in taong, bo sosumba doman mita ibanea ná anggur, ḷana in zaitun bo bayongan in ayop. Sosumba mopuḷú noporosen nongkon bungai in boyó kon gobá nami in diaan nami kon intau mita in Lewi inta nogamá kon sosumba mita mopuḷú noporosen kon kotá mita inta monononggobá.

NEHEMIA 12:45

sin mosiabí tua inta nopobayá in upacara pondaritan bo upacara mita ibanea inta ain pinarenta i Allah. Intau mita inta mopogogitog in musik bo moḷoḷukad kon ngara in Baḷoi Tuhan in mopobayá doman in oaidan mita monia, podudui in atorang i Datu Daud bo i Salomo, ki adínea ḷoḷaki.

YEHEZKIEL 40:38

Kon dangkuḷon kon ḷuai oyúon in gopot tobatú indugangnea kon bonawang bonunea kon dotá in utuan. Nongkon gopot indugangnea tatua oyúon in ngara tobatú inta nopobayá ná yuang moḷoben. Kon tuata in pogingguan kon mahaḷuk mita inta pakéon mobaḻí kuruban payongon.