NEHEMIA 13:7 - Alkitab Singog In Mongondow Masa In Tanaa

⁷ nobui kon Yerusalem. Noiyaputmai kon naa, noitaḻikokog in akuoi in nokotaaumai kon ki Elyasib in nobogoibí kon i Tobia in gopot tobatú kon Baḷoi Tuhan.

NEHEMIA 13:7 Iomraidhean Croise

TAWARIKH 1 3:24

Ki Elyoënai in kogadí kon adí ḷoḷaki taya pitu: ki Hodawya, ki Elyasib, ki Pelaya, ki Akub, ki Yohanan, ki Delaya bo ki Anani.

EZRA 9:1

Naonda intua komintan nodaitdon inaidan, tongonumai in intau inta sinon itoi kon bangusa in Israel namangoi kon inakó. Mosia in nopotaau kon inakó kon rayat in Israel, noitakin doman in imang mita, bo intau mita in Lewi in diábí sinumondí kon bangusa mita inta nogutun kon diugmai tua, inta bangusa in Amon, Moab, Mesir, Kanaan, Het, Peris, Yebus bo Amori. Nodapotbí in imang mita bo intau mita in Lewi sinumakin doman nomia kon natua. Mosia komintan in nogaidon kon aid mita inta mokorongó inta inaidan in bangusa mita tatua.

NEHEMIA 13:1

Kon dodai in hukum i Musa binaca kon rayat, nouḻídon in katarangan tanaa: ‘Intau in Amon bo Moab in diábí motaau in dumugang kon umat i Allah;

NEHEMIA 13:5

Ki Elyasib in nobogoi in gopot moḷoben tobatú kon i Tobia inta sabanarnea in sinondíbí sin potagúan kon sosumba gandum, kamania, pakakat mita inta pakéon kon Baḷoi Tuhan, sosumba inta ogoi kon imang mita, persepuluhan gandum, anggur bo ḷana zaitun, inta silaion kon intau mita in Lewi, kon mogogogitog in musik bo moḷoḷukad kon ngara in Baḷoi Tuhan.

OMBAḶ 1:10

Bayongan in kapunyaannea ain inagow in musungnea mita. Nodapot in sia in nokoontongbí tontaní in sinuotan monia kon bonu in Baḷoi i Allah, aid tobatú inta kinodoí i Tuhan aidan in intau inta deeman umat-Nea.

KORINTUS 1 1:11

Sin nodaitdon inouman in ginaḷum i Kloë kon inakó, kon naanta oyúonbí in yogenggeng kon sigad monimu.