NEHEMIA 13:5 - Alkitab Singog In Mongondow Masa In Tanaa

⁵ Ki Elyasib in nobogoi in gopot moḷoben tobatú kon i Tobia inta sabanarnea in sinondíbí sin potagúan kon sosumba gandum, kamania, pakakat mita inta pakéon kon Baḷoi Tuhan, sosumba inta ogoi kon imang mita, persepuluhan gandum, anggur bo ḷana zaitun, inta silaion kon intau mita in Lewi, kon mogogogitog in musik bo moḷoḷukad kon ngara in Baḷoi Tuhan.

NEHEMIA 13:5 Iomraidhean Croise

TAWARIKH 2 31:11

Pinodudui kon parenta i datu, mosia in nogaid kon ontag mita kon diugmai in Baḷoi Tuhan,

TAWARIKH 2 34:11

kon mogogimok mita kon kayu bo mogogaid kon bangunan inta musti motaḷui kon batu bo kayu sin ponompia kon bangunan mita inta ain pinomayá mako nogoguyaat in datu mita in Yohuda.

NEHEMIA 10:36

Kami in modiabí kon adí nami ḷoḷaki inta guya-guyang kon imang mita inta kon Baḷoi Tuhan sin posarakan kon i Allah, podudui in atorang in hukum. Kami in mobogoi doman in ki adí in sapi, ki adí in domba andeka ki adí in bembé nami inta dungkuḷ totok pinononggadí.

NEHEMIA 10:37

Kami in mogatod doman kon imang mita kon Baḷoi Tuhan in pomiaan kukis nongkon gandum inta muna-munamai kinoyut pomuḷoi in taong, bo sosumba doman mita ibanea ná anggur, ḷana in zaitun bo bayongan in ayop. Sosumba mopuḷú noporosen nongkon bungai in boyó kon gobá nami in diaan nami kon intau mita in Lewi inta nogamá kon sosumba mita mopuḷú noporosen kon kotá mita inta monononggobá.

NEHEMIA 10:38

Táe imang tobatú buí i Harun in mustibí kotaki-takin in intau mita in Lewi tatua aka mogamá in mosia kon sosumba mita tatua. Bo mopuḷú noporosen nongkon bayongan in sosumba tatua in musti diaan in intau mita in Lewi tatua kon gopot mita inta pototagúan kon kaanon mita kon Baḷoi Tuhan.

NEHEMIA 12:44

Kon dodai intua tongonumai intau in pinoki ḷukadan in gopot mita inta pinotagúan kon tongkaaḷ tampat pototagúan kon sumbangan mita ogoi kon Baḷoi Tuhan, noitakin doman in sosumba mopuḷú noporosen bo bungai in boyó inta dungkuḷ kon pomuḷoi in taong. Moḷoḷukad mita tatua in kitogi totaau mosipun kon sumbangan mita tatua nongkon gobá mita kon diugmai in kotá mita. Sumbangan mita tatua in ogoi monia kon imang mita bo intau mita i Lewi, podudui in atorang in Hukum. Intau mita in Yohuda mohoromatbí kon imang mita bo intau mita in Lewi tatua,

NEHEMIA 13:7

nobui kon Yerusalem. Noiyaputmai kon naa, noitaḻikokog in akuoi in nokotaaumai kon ki Elyasib in nobogoibí kon i Tobia in gopot tobatú kon Baḷoi Tuhan.

YEHEZKIEL 40:38

Kon dangkuḷon kon ḷuai oyúon in gopot tobatú indugangnea kon bonawang bonunea kon dotá in utuan. Nongkon gopot indugangnea tatua oyúon in ngara tobatú inta nopobayá ná yuang moḷoben. Kon tuata in pogingguan kon mahaḷuk mita inta pakéon mobaḻí kuruban payongon.