NEHEMIA 13:31 - Alkitab Singog In Mongondow Masa In Tanaa

³¹ Sinompiaku domandon sinbá kon singgai mita inta ain sinantú, kayu pondungú kon pobogoian kon sosumba in motaau sadiaan bo rayat motaau modia kon sosumba bungai in boyó inta dungkuḷ. Imbuitnea nosambayang in akuoi, “Allahku, toropdon in bayongan tanaa bo barakataidon in akuoi.”

NEHEMIA 13:31 Iomraidhean Croise

NEHEMIA 10:34

Kami, rayat, imang mita bo intau mita in Lewi, in mopogonik in undi muḷoi in taong sin monantú kon inanakan táonda in musti moposadia kon kayu pondungú kon kuruban mita sosumba kon i Tuhan Allah nami, podudui in atorang in hukum.

NEHEMIA 10:35

Pomuḷoi in taong modia in kami pobayá in Baḷoi Tuhan in bungai in gandum inta dungkuḷ totok bo ayop mita inta munamai totok moḷutú kon pangkoi in ayop mita nami.

NEHEMIA 10:38

Táe imang tobatú buí i Harun in mustibí kotaki-takin in intau mita in Lewi tatua aka mogamá in mosia kon sosumba mita tatua. Bo mopuḷú noporosen nongkon bayongan in sosumba tatua in musti diaan in intau mita in Lewi tatua kon gopot mita inta pototagúan kon kaanon mita kon Baḷoi Tuhan.

NEHEMIA 13:14

Oo Allahku, toropdon in bayongan inta ain pinomiaku kon Baḷoi-Mu bo pogundoiannea.

NEHEMIA 13:22

Bo intau mita in Lewi pinoki aidanku in upacara pondaritan kon awak bo noḷukad kon bonawang mita sin moḷukad sinbá intau mita mohoromat kon singgai in Sabat. Nosambayang in akuoi, “Oo Allah, toropa in akuoi sin soaḷ tatua doman, bo kotabipa in akuoi podudui in tabi-Mu inta moḷoben.”

NEHEMIA 5:19

Poigumonku o Allah, toropdon in bayongan inta pinomiaku kon bangusa tanaa bo barakataipa in akuoi.

MAZMUR 106:4

Toropdon in akuoi, o Tuhan, podudui in kopopia-Mu kon umat-Mu, tuḷungai domandon in akuoi aka Iko moposaḷamat kon i monia.

MAZMUR 25:7

Ampungaidon kaasí in dosa bo taḷá kon dodai in akuoi nobagupa, toropdon in akuoi podudui in tabi bo kopopia-Mu.

LUKAS 23:42

Nosingog mako natua, sia in noguman kon i Yesus, “Yesus, toropdon in akuoi aka iko in mamangoidon saḷaku Datu!”