NEHEMIA 13:3 - Alkitab Singog In Mongondow Masa In Tanaa

³ Naonda in kinodongogan in bangusa Israel intua, sinondídon monia in bayongan in intau ango-angoi nongkon intau mita in Israel.

NEHEMIA 13:3 Iomraidhean Croise

EZRA 10:11

Tuamai, akudon in dosamu kon i Tuhan, Allah inta sinumba in mogoguyang naton, bo aidaidon onu inta mokosanang kon gina-Nea. Pokoyayúdon kon intau ibanea inta nogutun butá naton bo untundon in ki buḷoimu mita inta nongkon bangusa ibanea tatua.”

EZRA 9:2

Intau ḷoḷaki in Yahudi notonibuḷoidon in bobay in bangusa ibanea, dá umat inta sinondídon kon i Tuhan in diádon notapis. Nodapotbí inta muna-munamai nomia kon natua in intaubí mita inta sinon itoi bo pojabat in Israel.

NEHEMIA 10:28

Kami, rayat in Israel, imang mita intau mita in Lewi, moḷoḷukad mita kon ngara in Baḷoi Tuhan, mogogogitog in musik bo mogogaid mita kon bonu in Baḷoi Tuhan, bo buḷoi adí nami inta tugatdon in umur bo momangaḻédon bo intau mita inta motoindudui kon hukum i Allah bo inta ain sinumondí kon intau ango-angoi inta nogutun kon butá nami.

MAZMUR 119:11

Totundú in sinagúku kon bonu in ginaku, sinbá akuoi diá baradosaan kon ini-Mu.

MAZMUR 119:9

Intau moguodpa in mokoḷukadbí kon kobiagannea diá in bogit aka mobiag in sia podudui in parenta-Mu.

IḶUAIAN 12:38

Nodia in mosia kon nobayong in sapi, domba bo bembé. Nobarong doman intau ango-angoi in dinumudui.

AMSAL 6:23

Topotundú mita in guyangamu naonda bo togá inta mobayag; toboḷow monia mopoontong kon inimu in kobobiag inta mopia.

PINOGIAPAN 11:4

Kon binayáan in intau Israel tatua oyúon doman in intau mita ango-angoi in dinumudui. Mosia tua in moibogdon totok mokaan kon ponoyá, bo intau Israel momangkoi domandon mogamui. Guman monia, “Aka kuma bo oyúon in ponoyá kon inaton!

SURAT I PAULUS KON JAMAAT RUM 3:20

Sin diábí in tobatúmai in motaau mopopiaan i Allah sin popisí in mosia ain nogaid kon soaḷ mita inta kon bonu in hukum agama Yahudi. Táe hukum tatua in tongábí moponiata kon intau tua in binaradosabí komintan.

YAKOBUS 1:27

Podudui ibog i Allah, ibada inta moitutui in motuḷungbí kon adí mita inta uno-unondon bo kon i monia inta dongkadon boba-bobay inta nobiag moyoyiga, poḷat doman moḷukad kon awak tontaní sinbá diá poguyaaton in dunia naa.