NEHEMIA 13:29 - Alkitab Singog In Mongondow Masa In Tanaa

²⁹ Nosambayang in akuoi, “Oo Allahku, toropdon naonda in intau mita tatua noporaatmai kon aid monia saḷaku imang bo dodandian-Mu takin imang mita bo intau mita in Lewi!”

NEHEMIA 13:29 Iomraidhean Croise

NEHEMIA 6:14

Akuoi in nosambayang, “Oo Allah, toropdon onu in inaidan i Tobia bo i Sanbalat tatua. Hukumdon in mosia! Natua doman in nabi bobay inta ki Noaja bo nabi mita ibanea inta moibog mopogogondok kon inakó.”

IMAMAT 21:15

Aka sia ḻimimpat kon atorang tatua, dá ki adínea mita inta sabanarnea motusi, mobaḻídon nonajis. Akuoi in ki Tuhan bo Akuoi nopotondídon kon inia nobaḻí Imang Moḷoben.”

IMAMAT 21:23

Popisí in intau tatua nobogit in awaknea, dá sia diá motaau dimiug kon toḻipoi inta nopoyotondí in Yuang Motusi ande mezbah. Sia diábí motaau moponajis in barang mita inta ain sinondí kon i-Nakó, sin Akuoi in ki Tuhan, bo Akuoi in nonondí kon barang mita tatua.”

IMAMAT 21:8

Musti akúon in bangusa Israel kon imang tua in intau inta ain sinondí kon i-Nakó sin sia moposumba in kuruban kaanon kon i-Nakó. Akuoi in ki Tuhan; Akuoi naa in motusi bo Akuoi mopotusi kon umat-Ku.

TIMOTIUS 2 4:14

Ki Aleksander inta mononontaḷ kon tambaga tua, nomiadon kon inta totok in diá mopia kon inakó. Tongá tuḻíanbí i Tuhan in oaidnea tatua podudui doman in oaidnea.

SAMUEL 1 2:30

Akuoi, ki Tuhan Allah in Israel, koḻipod ain nodandi, kon motoḷuadímu bo bui inanakanmu in mogundoi kon i-Nakó mobaḻí imang mononoi. Táe tanaa in kinodoí-Kudon intua! Sin ki inta mohoromat kon i-Nakó in horomaton-Kubí táe inta mopoonagmai kon i-Nakó, in pokoonag-Kubí doman.