NEHEMIA 13:28 - Alkitab Singog In Mongondow Masa In Tanaa

²⁸ Ki Yoyada in ki adí i Imang Moḷoben ki Elyasib, táe tobatú kon sigad i adí i Yoyada in nobaḻí mototaka i Sanbalat nongkon kotá in Bet-Horon. Tuamai ki Yoyada pinoguntunku nongkon Yerusalem.

NEHEMIA 13:28 Iomraidhean Croise

EZRA 10:8

Ki ine in diá mamangoi kon bonu in toḷu nosinggai, daiton gamáan in bayongan kapunyaannea bo sia in diá bidon inanggap agat in intau in Israel. Parenta tatua in sinekeng in itoi mita in rayat.

NEHEMIA 12:10

Naa in buí inanakan i Imang Moḷoben ki Yesua: ki Yesua, ki Yoyakim, ki Elyasib, ki Yoyada,

NEHEMIA 12:22

Tangoi in tongguḷu mita in motoḷuadí in intau mita in Lewi bo motoḷuadí in imang ain pinais kon tungkuḷ in Imang Moḷoben noiduduimai naa: ki Elyasib, ki Yoyada, ki Yohanan bo ki Yadua. Tangoi mita tatua in nopaḷut pinais kon dodai in ki Darius nomarenta nobaḻí datu in Persia.

NEHEMIA 13:25

Sinoboḷowku bo inodi-odianku in mosia. Oyúon in binongkugku bo oyúon in irabutku in buok monia. Onda intua pinoki pongibotanku in mosia pinodoyon kon tangoi i Allah kon mosia takin ki adí mita monia in diá bidon motonibuḷoi takin bobay ibanea.

NEHEMIA 2:10

Táe naonda in ki Sanbalat, intau in Bet-Horon, bo ki Tobia, pojabat tobatú nongkon Amon, in nokodongog kon akuoi in namangoi kon kopontingan in bangusa in Israel, nobú totok in mosia.

NEHEMIA 2:19

Naonda in tomayá nami tatua kinotaauan i Sanbalat, i Tobia bo i Gesyem, intau in Arab, kinosingan bo siningkuḻe monia in kami. Guman monia, “Onu in aidan monimu? Degá momarontak in moiko kon i datu?”

NEHEMIA 3:1

Naa in boba-bobayánea kon pinonompiaan kon dinding in Yerusalem. Imang Moḷoben ki Elyasib bo totakinnea mita noposindog bui in Bonawang Domba, nopoguḻit in ḷoḻingkopnea mita bo sinondídon kon i Tuhan. Sinompia monia bo nonondí kon dinding noidapot kon Ḷangkeang Mogatut bo noidapot kon Ḷangkeang Hananeel.

NEHEMIA 4:1

Naonda in ki Sanbalat nokodongog kon kami intau in Yahudi koyogot in monompia kon dinding in kotá sinumorú totok in sia bo nomangkoidon nokopoonagmai kon inami.

MAZMUR 101:8

Pomuḷoi in singgai yopúonku in intau mita moraat kon butá tanaa. Komintan intau inta mogaid kon moraat in inggamáankubí kon kotá i Tuhan.

AMSAL 20:26

Datu inta mobijaksana kotaauanneabí in intau inta moraat; hukumonneabí in mosia bo diábí in ampung.

AMSAL 20:8

Aka datu ḻimitú kon kadera in pongadilan, koontonganneabí in bayongan inta moraat.