NEHEMIA 13:26 - Alkitab Singog In Mongondow Masa In Tanaa

²⁶ Gumanku, “Diábí degá kinotaauan monimu kon dosabí doman tanaa inta inaidan i Datu Salomo? Diábí in datu in kon dunia naa inta moiḻiu kon inia. Ki Allah in notabi kon inia bo binaḻí in sia datu kon sinangkup in Israel. Umpaka natua táe sia in dinondouḷugandon in bobay mita in bangusa ibanea sin mogaid kon dosa.

NEHEMIA 13:26 Iomraidhean Croise

DATU MITA IMITÁNEA 21:25

Diábí kon dodai in onda in intau inta takin ḻimbatú in gina mogaid kon inta moraat kon tayowon i Tuhan ná inta pinomia i Ahab. Bayongan in aid moraat tatua in inaidannea sin umuran tundúdanmai i Izebel ki buḷoinea.

DATU MITA IMITÁNEA 3:12

dá onu inta pinoigummu tatua in ogoi-Kubí. Baḻíon-Ku in iko mobija-bijaksana bo mopando-pandoi nongkon i inekabí doman, pinomayá kon dungkuḷmai andeka kon singgai moiduduimai.

DATU MITA IMITÁNEA 3:13

Nodapot in onu inta diá inigummu yo ogoi-Kubí doman kon inimu: kino ouput in kobiaganmu iko in mobiagdon mooyúon bo horomaton moiḻiu kon datu ibanea inta kon ondakabí.

DATU MITA IMITÁNEA 4:1

Ki Salomo ain nobaḻí datu kon bayongan butá in Israel.

TAWARIKH 2 1:12

Tuamai in kabijaksanaan bo pongotahuan in ogoi-Kubí kon inimu. Koḻikud intua baḻíon-Kubí in iko mobiag mooyúon totok, moiḻiu kon kooyúon bo moiḻiu kon tangoi in datu nongkon ondakabí pinomayá dungkuḷmai andeka kon singgai moiduduimai.”

TAWARIKH 2 9:22

Ki Datu Salomo in mooyu-oyúon bo mobija-bijaksana nongkon datu nongkon ondakabí in kon dunia naa.

AMSAL 31:3

Dika imibo-ibog in mopomaké in ropotmu andeka mongurab kon ropotmu kon bobay. Nobarongdon in datu inta norimumud popisí in bobay.

MOHOHUTUBA 7:26

Nouḻíku kon naanta yo bobaybí in mopai-pait in popatoi. Ibog in bobay tua in naonda bo pukot bo poyogaḷap inta ain sinaan mako. Koyotnea in naonda bo kayu pinoumantungan. Intau inta dinumudui kon ibog i Allah in moiyayúbí kon poyogaḷapnea, táe intau baradosa in notantú bidon kon kodomokannea.