NEHEMIA 13:25 - Alkitab Singog In Mongondow Masa In Tanaa

²⁵ Sinoboḷowku bo inodi-odianku in mosia. Oyúon in binongkugku bo oyúon in irabutku in buok monia. Onda intua pinoki pongibotanku in mosia pinodoyon kon tangoi i Allah kon mosia takin ki adí mita monia in diá bidon motonibuḷoi takin bobay ibanea.

NEHEMIA 13:25 Iomraidhean Croise

DATU MITA 2 2:24

Ki Elisa in nobobui bo inimindoi kon i monia bo nogodi-godi kon i monia pinodoyon kon tangoi i Tuhan. Kon dodai doman intua iḷumuaidon in beruang kobaayan doyowa nongkon kayuon bo nomera-merak kon opat nopuḷú bodoyowá in mongoadí inta kon sigad in mongoadí mita tatua.

EZRA 10:5

Dá nomangkoidon nopobayá in oaidannea in ki Ezra. Pinotabánea in imang mita tongguḷu, intau mita in Lewi bo intau mita in Israel ibanea in nongibot kon mosia in mopobayábí in onu inta pinoigum i Sekhanya tatua.

EZRA 7:26

Pomuḷoi in intau inta doí dumudui kon Hukum mita i Allah i Utat, andeka hukum mita in dodatuan, mustibí ḷagi hukumon matoi andeka ḷumbúon, andeka gamáan in kapunyaannea, andeka bonuon kon ponjara.”

NEHEMIA 13:11

Dá sinoboḷowku in pongawasa mita sin pinomayádon mako monia natua in Baḷoi Tuhan. Bo inoiníku bui in intau mita in Lewi bo intau mita inta mogogogitog in musik bo pinotabá bui mopobayá in oaidan monia.

NEHEMIA 13:17

Sinoboḷowku in itoi mita in Yohuda bo siningogku, “Diá kinotaauan degá monimu kon nogaidon in moiko kon inta moraat sin nogaidon kon singgai in Sabat?

NEHEMIA 13:24

Tongosilai kon adí monia in diábí nonotaau in singog in Yahudi, táe singogbí in intau Asdod andeka singogbí ibanea mako nion.

NEHEMIA 5:13

Onda intua iḷongkutku in aḷuang bo pinoḷuatkudon poḷat noguman, “Igumon mako nanaadon in ki Allah mopomisik kon intau mita inta diá mogintompod kon dandinea. Intau tatua in mobaḻídon diá koonu bo onu, baḷoi bo bayongan in kapunyaannea in gamáandon i Allah!” Bayongan in intau kon sidang tatua in notubag, “Amin!” bo nodayow kon i Tuhan. Dá itoi mita tatua nogintompod kon dandi monia.

NEHEMIA 5:6

Nokodongogmai kon amui monia tatua, sinumorú totok in akuoi

MAZMUR 119:53

Akuoi in sinumorúdon totok kon intau moraat, sin mosia in nonaḷámai kon hukum-Mu.

MAZMUR 15:4

inta mopoompámai kon intau inta kinodoí i Allah, táe mohoromat kon intau inta mosatia kon i Tuhan; inta mogintompod kon dandi, umpakabí morugi

IḶUAIAN 34:16

Aka ki adí mita monimu motonibuḷoi in bobay mita ango-angoi, yo mosia in dondouḷugandon in bobay mita tatua sinbá monaḷámaidon kon i-Nakó bo mosumbadon kon ilah mita monia.

AMSAL 28:4

Ki ine in diá dumudui kon hukum, yo dinumotá kon intau moraat; ki ine in dumudui kon hukum moḷawang kon intau moromú;

YESAYA 50:6

Inogoiku in ḻikudku kon intau inta nomongkug kon inakó; bo putongiku kon intau inta norabut kon kumiku. Akuoi in diábí nopoḷagui in pogotku kon tungkuḷ in akuoi siningkuḻe bo dinuyáan.

ULANGAN 6:13

Horomat in ki Tuhan, Allahmu bo kosundudon kon i-Nia tontaní, bo aka moiko mongibot, yo aidai intua tongá podoyon kon tangoi-Nea.

ULANGAN 7:3

Moiko in diábí motaau motonibuḷoi takin i monia, bo dika doman ogoi in adí mita monimu motonibuḷoi takin i monia,

YOSUA 23:12

Aka moiko bo diá mosatia bo moyobaukdon in bangusa mita inta nogutunpa kon sigad monimu, bo moiko in motonibuḷoi monia,