NEHEMIA 13:21 - Alkitab Singog In Mongondow Masa In Tanaa

²¹ Bo akuoi in noguman kon i monia, “Diábí in mangaḻenea in pogoḷatan monimu dapot in doḷo-doḷom kon nion. Pokoingat, aka aidanpa bui monimu intua, yo mobogatbí in aidanku!” Pinangkoi kon tua diádon kon dodai in onda in mosia in mamangoi kon singgai in Sabat.

NEHEMIA 13:21 Iomraidhean Croise

EZRA 7:26

Pomuḷoi in intau inta doí dumudui kon Hukum mita i Allah i Utat, andeka hukum mita in dodatuan, mustibí ḷagi hukumon matoi andeka ḷumbúon, andeka gamáan in kapunyaannea, andeka bonuon kon ponjara.”

NEHEMIA 10:32

Pomuḷoi in taong kami kon batúannea in moposumbang in ḻima nogram in saḷaka sin pobantung pakéon kon Baḷoi Tuhan.

NEHEMIA 13:15

Kon tungkuḷ intua inontongku in kon singgai in Sabat tongonumai in intau Yohuda nomugut kon anggur. Oyúon in intau ibanea in nodatog kon gandum, anggur, bungai in anggur, bungai in ara bo pakakat mita ibanea kon tudu in keledainea bo dinia pinobayá in Yerusalem. Diá inogoiku in mosia nopotaḷui kon Yerusalem.

NEHEMIA 13:20

Táe siga-sigad oyúon in tongonumai in intau mopopotaḷui bo inta mopopotaḷui in barang mita in mosiug kon ḷuai in kotá kon singgai in Jumaat doḷom.

PETRUS 1 2:14

ande kon i gubernur inta ain sinundú i Kaisar mohukum kon intau mita inta momia kon moraat bo mohoromat kon intau inta mogaid kon mopia.