NEHEMIA 13:2 - Alkitab Singog In Mongondow Masa In Tanaa

² sin kon tungkuḷ in bangusa in Israel kon daḷan iḻumuai nongkon Mesir, bangusa doyowa tatua in diábí nobogoi in kaanon bo tubig kon bangusa tatua. Nodapotbí in mosia nonondan kon i Bileam sin mongutuk kon bangusa in i Israel, táe binaḷuaian i Allah in kutuk tatua nobaḻí barakat.’

NEHEMIA 13:2 Iomraidhean Croise

MAZMUR 109:28

Umpaka mosia in mongutuk kon inakó, igumon mako Iko in momarakat kon inakó. Umpaka simindog in mosia, mosia in pokopooyáanbímai; táe igumon mako akuoi, mogogundoi-Mu, poḷungangaan in gina.

MIKHA 6:5

Umat-Ku, toropdon onu in sinomayá i Balak datu in Moab kon inimu, bo onu in sinubagan i Bileam ki adí i Beor kon inia. Toropdon onu in nobaḻí kon binayáan kon sigad in ḷoḷaigan kon Sitim bo kon Gilgal. Aka kotoropan monimu komintan intua, yo kotaauandon monimu onu inta ain inaidan-Ku sin moposaḷamat kon i monimu.”

PINOGIAPAN 23:18

bo ki Bileam nopotaau in onu inta mobaḻí naa, “Ei, Balak, adí i Zipor, koḻigai kon naa, indongogaipa onu inta pogumanku naa.

MATIUS 25:40

Datu tatua in motubag kon i monia, ‘Bá poguman-Kudon kon i monimu: onu inta aindon inaidan monimu kon i utat-Ku mita inta totok in bogá tanaa, yo tua in notongkaibí in pinogaid monimu kon i-Nakó!’

ULANGAN 23:3

Intau in Amon bo Moab takin bui mita monia modapot in buí noginpuḷú diábí motaau in poyoiapon umat i Tuhan,

ULANGAN 23:4

sin mosia in doí nobogoi in kaanon kon i monimu kon tungkuḷ in moiko kon binayáan iḻumuai nongkon Mesir. Nodapotbí in mosia nonondan kon i Bileam, adí i Beor nongkon kotá in Petor kon Mesopotamia, sin mongutuk kon i monimu.

ULANGAN 23:5

Táe ki Tuhan Allahmu in doíbí nokidongog kon i Bileam. Táe binaḷuian-Neabí in kutuk tatua nobaḻí barakat, sin motabi in Sia kon i monimu.

PETRUS 2 2:15

Popisí in mosia bo doí dumudui kon onu inta noitutui, dá noiḷangkamdon in mosia. Mosia in dinumuduidon kon i Bileam ki adí Beor tungkuḷ intua. Ki Bileam naa in moibog totok tondanan sinbá mogaid kon inta moraat.