NEHEMIA 13:13 - Alkitab Singog In Mongondow Masa In Tanaa

¹³ Akuoi in nopotabá kon intau mita tanaa sin moindoi kon gopot mita pototagúan kon tongkaaḷ tatua: ki Imang Selemya, ki Zadok intau inta totok in nonotaau kon Hukum bo ki Pedaya intau in Lewi. Ki Hanan ki adí i Zakur ki ompu i Matanya pinoki bantunganku kon i monia. Kinotaauanku kon intau mita tatua in motaaubí pirisayaan bo mosilai kon pakakat mita tatua kon yobayat topogaidan monia kotompiaan.

NEHEMIA 13:13 Iomraidhean Croise

DATU MITA 2 12:15

Moḷoḷukad mita kon oaidan tatua in mongotuḻidbí mita totok in gina dá diá bidon paraḷu poiguman kon lapuran soaḷ in doit.

DATU MITA 2 12:16

Doit inta nongkon kuruban toḻiu in karugian bo nongkon kuruban pongampungan kon dosa diábí bonuon kon kas tatua. Doit tatua in ogoi kon imang mita.

DATU MITA 2 22:7

Moḷoḷukad mita kon oaidan tatua in motuḻid totok in gina, dá diá bidon paraḷu poiguman kon lapuran in doit nongkon i monia.”

NEHEMIA 10:38

Táe imang tobatú buí i Harun in mustibí kotaki-takin in intau mita in Lewi tatua aka mogamá in mosia kon sosumba mita tatua. Bo mopuḷú noporosen nongkon bayongan in sosumba tatua in musti diaan in intau mita in Lewi tatua kon gopot mita inta pototagúan kon kaanon mita kon Baḷoi Tuhan.

NEHEMIA 11:22

Moḷoḷukad intau mita in Lewi inta nogutun kon Yerusalem in ki Uzi ki adí i Bani ki ompu i Hasabya. Kon sigad in mogoguyangnea in ki Matanya bo ki Mikha. Sia in noituot kon inanakan i Asap, inta inogoian in oaidan moindoi kon musik kon poibadaan kon Baḷoi Tuhan.

NEHEMIA 12:44

Kon dodai intua tongonumai intau in pinoki ḷukadan in gopot mita inta pinotagúan kon tongkaaḷ tampat pototagúan kon sumbangan mita ogoi kon Baḷoi Tuhan, noitakin doman in sosumba mopuḷú noporosen bo bungai in boyó inta dungkuḷ kon pomuḷoi in taong. Moḷoḷukad mita tatua in kitogi totaau mosipun kon sumbangan mita tatua nongkon gobá mita kon diugmai in kotá mita. Sumbangan mita tatua in ogoi monia kon imang mita bo intau mita i Lewi, podudui in atorang in Hukum. Intau mita in Yohuda mohoromatbí kon imang mita bo intau mita in Lewi tatua,

NEHEMIA 7:2

Pomarentaan kon kotá in Yerusalem inogoiku kon i utatku ki Hanani bo kon i Hananya, Tongguḷu totok in tontara inta moḷukad kon benteng, sin sia in noiḻiu kon intau ibanea, moondok kon i Allah bo motaau pirisayaan.

NEHEMIA 8:4

Ki Ezra in sinimindog kon mimbar kayu inta ain pinomia sin pakéon kon poyodungkuḷan tatua. Kon dotá in koḷanannea sinimindog in intau mita tanaa: ki Matica, ki Sema, ki Anaya, ki Uria, ki Hilkia bo ki Maaseya; bo kon dotá in koḷoiginea: ki Pedaya, ki Misael, ki Malkia, ki Hasum, ki Hasbadana, ki Zakharia bo ki Mesulam.

LUKAS 12:42

Ki Tuhan in notubag, “Ki ine in bobantung inta mosatia bo mopandoi, sahingga pomiaan i tuangnea itoi kon sigad in bobantungnea mita ibanea, sinbá sia mobogoi in kaanon kon i monia aka wakutuneadon?

OUMAN IN RASUL MITA 4:35

bo posarakan kon rasul mita. Doit tatua sila-silaion mako kon intau mita inta moparaḷu.

OUMAN IN RASUL MITA 6:1

Koonggot-koonggot dumodudui i Yesus kobayong-kobayong domandon. Kon wakutu intua intau mita in Yahudi inta nomaké in bahasa Yunani, mulaidon moyaat in gina kon intau mita in Yahudi taakan. Mosia in nosingog nanaa, “Intau nami inta dongkadon boba-bobay in diá kon dodai in onda in kosilaian in tonsilai monia inta silaionmai pomuḷoi in singgai.”

OUMAN IN RASUL MITA 6:3

Dá, maníka ki utat mita in momiḻí kon pitu in intau inta kon sigad monimu, intau mopia bo inta kinawasa in Roho i Allah, mobijaksana bo inta motaau pirisayaanmai monoinut kon soaḷ mita tanaa;

KORINTUS 1 4:2

Inta muna-munamai igumon kon intau mita inta mogogaid kon oaidan natua in kototoinduduibí monia kon i tuangnea.

TIMOTIUS 1 1:12

Akuoi in mosukur kon i Kristus Yesus Tuhan naton, sin akuoi in inogoian-Neadon in ropot mogaid kon oaidan-Nea, bo inanggap-Neadon in akuoi patus pokiaidan in oaidan tatua,

TIMOTIUS 1 3:10

Munapa ujion in mosia tua. Aka kotaauandon kon motuḻidbí in gina monia, bain tua bo motaau in mosia mobantung kon jamaat.