NEHEMIA 12:46 - Alkitab Singog In Mongondow Masa In Tanaa

⁴⁶ Pinangkoi kon i Datu Daud bo ki Asap inta monotaau totok kon musik, intau mita mododondong ain nopodondong in dondong dodayow sukur kon i Allah.

NEHEMIA 12:46 Iomraidhean Croise

TAWARIKH 1 9:33

Tongosilai intau in Lewi inta ibanea in mopobayá in oaidan nobaḻí mododondong kon Baḷoi Tuhan. Tongguḷu mita in motoḷuadí monia in nogutun kon tongonumai in baḷoi kon Baḷoi Tuhan. Mosia in diábí inogoian in oaidan ibanea, sin mosia in mogaidbí doḷom bo singgai.

TAWARIKH 2 29:30

Ki datu bo intau mita inta sinon itoi kon ḻipú nopotabá kon intau mita in Lewi nokipodondong in dodayow kon i Tuhan in dodayow inta pinomia i Daud bo i Nabi Asap. Komintan intau nodondong takin ḷunganga in gina poḷat sinumungkud bo nosumba kon i Allah.

MAZMUR 137:4

Yo degá kon butá in intau kami in modondong kon i Tuhan?

MAZMUR 73:1

Mazmur i Asap. Totuubí mopia in ki Allah kon umat-Nea, kon intau inta motuḻid in ginanea.

MAZMUR 83:1

Mazmur i Asap: Tobatú dondong.