NEHEMIA 12:44 - Alkitab Singog In Mongondow Masa In Tanaa

⁴⁴ Kon dodai intua tongonumai intau in pinoki ḷukadan in gopot mita inta pinotagúan kon tongkaaḷ tampat pototagúan kon sumbangan mita ogoi kon Baḷoi Tuhan, noitakin doman in sosumba mopuḷú noporosen bo bungai in boyó inta dungkuḷ kon pomuḷoi in taong. Moḷoḷukad mita tatua in kitogi totaau mosipun kon sumbangan mita tatua nongkon gobá mita kon diugmai in kotá mita. Sumbangan mita tatua in ogoi monia kon imang mita bo intau mita i Lewi, podudui in atorang in Hukum. Intau mita in Yohuda mohoromatbí kon imang mita bo intau mita in Lewi tatua,

NEHEMIA 12:44 Iomraidhean Croise

TAWARIKH 1 23:28

Mosia in mustibí mobantung kon imang mita buí i Harun mopobayá in upacara ibada kon Baḷoi Tuhan, moḷukad kon palas mita bo gopot mita kon Baḷoi Tuhan tua, bo moḷukad sinbá bayongan in yagi-yagi inta ain sinantú kon i Tuhan in diá mobaḻí monajis.

TAWARIKH 1 26:20

Intau mita ibanea kon bonu in suku Lewi in inogoian oaidan moḷukad kon kapunyaan kon bonu in Baḷoi Tuhan bo kon gudang inta pinotagúan kon bayongan in oogoi kon i Allah.

TAWARIKH 1 9:26

Táe taya opat inta tongguḷu in moḷoḷukad tatua in mopobayábí in oaidan motantú. Mosia in kitogi totaau kon yuang mita kon Baḷoi Tuhan bo pakakat mita inta sinagú kon tua.

NEHEMIA 10:36

Kami in modiabí kon adí nami ḷoḷaki inta guya-guyang kon imang mita inta kon Baḷoi Tuhan sin posarakan kon i Allah, podudui in atorang in hukum. Kami in mobogoi doman in ki adí in sapi, ki adí in domba andeka ki adí in bembé nami inta dungkuḷ totok pinononggadí.

AMSAL 8:34

Pia in kamang in intau inta mokidongog kon inakó inta pomuḷoi in singgai ḻimitú mogoḷat mako kon ngara in baḷoiku, bo umuran moḷukad kon bonawang in pinogutunanku.

YESAYA 40:31

Táe intau inta mopongata kon i Tuhan, in mokouḻí kon ropot mobagu. Mosia in naonda bo ḷagapan boniá inta ḷumayug moonik mopongata in koḻikipnea. Mosia in moribatuk bo diábí moḷopí, mosia in mayá bo diábí moḷungkoyó.

PINOGIAPAN 3:10

Táe ki Harun bo ki adínea mita in musti baḻíon-Ku imang sin mogaid kon oaidan-Ku, koḻikud in mosia, yo ki ineka in monungkuḷ mopobayá in oaidan tatua musti hukumon dapot in matoi.”

SURAT I PAULUS KON JAMAAT RUM 12:7

Intau inta nokouḻí kon totabi motuḷung kon intau ibanea, yo musti in sia totu-totuu motuḷung kon intau ibanea. Intau inta nokouḻí kon totabi mobogoi in totundú, dá musti in sia totu-totuu doman mobogoi in totundú.

ULANGAN 18:8

Sia in mustibí motarima kon kaanon inta motongkai in kobayongnea ná imang mita ibanea; onu in nouḻínea nongkon koluarganea, nobaḻí doman tonsilainea.”