NEHEMIA 12:30 - Alkitab Singog In Mongondow Masa In Tanaa

³⁰ Imang mita bo intau mita in Lewi tatua nopobayá in upacara pondaritan kon awak monia onda intua kon i rayat, bo kon ḷoḻingkop mita in moḷoben bo dinding in kotá.

NEHEMIA 12:30 Iomraidhean Croise

KINOBAḺIAN 35:2

Bo ki Yakub in noguman kon buḷoi, adí ginaḷumnea bo kon bayongan intau inta kotaki-takinnea, “Kita in mobuatdon nongkon naa bo mayá in Betel. Kon tua akuoi in moposindogdon in mezbah kon i Allah inta ain notuḷung kon inakó kon dodai in kinoantugan in roriga bo inta ain noḷukad kon inakó kon ondaka in binayáanku. Dá ḷumbúdon in patong dewa mita ibanea mako inta kodia-dia monimu; aidaidon in upacara pondaritan kon awak bo pakédon in pakeang inta modarit.”

TAWARIKH 1 15:14

Dá imang mita bo intau in Lewi nopotusidon in awak sinbá motaaudon momamping kon Poti Dodandian i Tuhan, Allah in Israel.

TAWARIKH 2 29:34

Imang mita inta ain nopotusi in awak monia in noyakag dá diá nokodait nonaip kon bayongan in biag tatua. Tuamai mosia in binantungan in intau mita in Lewi, sin intau in Lewi in mosati-satia kon atorang in potusian. Mosia in tantúbí nobantung nodapot in tugatdon in imang inta ain nopotusi in awak.

TAWARIKH 2 29:5

bo noyosingog in sia takin i monia kon tua. Sia in noguman, “Moiko intau mita in Lewi, musti mopotondí in awak monimu kon i Tuhan, bo mopotusi in Baḷoi Tuhan, Allah in mogoguyangmu. Bayongan inta mokonajis kon baḷoi tatua mustibí poyayúon.

EZRA 6:21

Kuruban mita tatua in kinaan in bayongan in intau Israel inta nobuidon nongkon pinoḷumbúan bo in intau mita inta nogutun kon tua inta ain nonaḷámai kon kobobiag monia inta binaradosa bo namangoi sin mosumba kon i Tuhan, Allah in Israel.

NEHEMIA 12:29

nongkon Bet-Gilgal, Geba bo Asmawet.

NEHEMIA 13:22

Bo intau mita in Lewi pinoki aidanku in upacara pondaritan kon awak bo noḷukad kon bonawang mita sin moḷukad sinbá intau mita mohoromat kon singgai in Sabat. Nosambayang in akuoi, “Oo Allah, toropa in akuoi sin soaḷ tatua doman, bo kotabipa in akuoi podudui in tabi-Mu inta moḷoben.”

NEHEMIA 13:30

Natuata in pinonondaritku kon bangusa in Israel nongkon bayongan inta diá motaau aidan. Pinomiakudon in atorang mita kon imang mita bo kon intau mita in Lewi, dá mosia kon batúannea in kooaidandon tontaní.

AYUB 1:5

Mopaḷut mako in bobutungan, ki Ayub in tantú mobangon doḷo-doḷom bo moposumba in kuruban ponukid kon batúan in adínea sinbá ampungan i Tuhan. Sin kon raian i Ayub, dika-dikabo ki adínea mita ain noiaid kon dosa bo noiḷautdon nokopoompámai kon i Allah takin diá sinuod.

IḶUAIAN 19:10

Naa in bayádon pokipodungkuḷai in intau mita tatua, bo potabádon in mosia singgai naa bo ikoḷom mosadia sin moibada. Mosia in musti momatá kon pakeang monia.

IBRANI 5:1

Sin pomuḷoi in imang moḷoben piniḻí nongkon sigad in umat, binaḻídon simpaḷ i Allah saḷaku toḻiu monia. Oaidan imang tatua in mobogoi in sosumba kon i Allah bo mobogoi in kuruban mita sin potobut kon taḷá mita in intau.

IBRANI 5:3

Lantaran sia bo nobayongpa doman in kalemahannea dá mustibí doman sia mobogoi in kuruban, bo kuruban tatua in deemanbí tongá potobut kon dosa mita in umat i Allah, táe dosaneabí doman tontaní.