NEHEMIA 12:27 - Alkitab Singog In Mongondow Masa In Tanaa

²⁷ Naonda in dinding Yerusalem sinoguḷapatandon, intau mita in Lewi in inoiní nongkon bayongan in tampat pinogutunan monia, sinbá dumudui moporame kon tua takin dondong sukur monia mopomaké in musik in gambus bo kecapi.

NEHEMIA 12:27 Iomraidhean Croise

SAMUEL 2 6:12

Dinongogdon i Datu Daud kon ki Tuhan in nomarakatdon kon motoḷuadí i Obed-Edom takin bayongan in kapunyaannea popisí in Poti Dodandian tatua. Dá minayádon in sia kon baḷoi i Obed-Edom, nogamá kon Poti Dodandian tatua sin pampingon kon Yerusalem takin pia in gina.

DATU MITA IMITÁNEA 8:63

Inogoi nobaḻí kuruban dodamean, ki Salomo in noposumba in 22.000 in sapi bo 120.000 in domba. Natuata in ki datu takin bayongan rayat nomia kon upacara pinonoguḷapatan kon baḷoi i Tuhan.

TAWARIKH 1 13:8

bo ki Daud takin bangusa in Israel notayok bo nodondong takin pia totok in gina, sin mohoromat kon i Allah bo sinakinan in kecapi, rebana, simbal bo torompet.

TAWARIKH 1 15:12

Guman i Daud kon i monia, “Moiko in itoi in inanakan kon bonu in suku Lewi. Tuamai, musti in moiko bo intau mita in Lewi ibanea mopotusi in awak sinbá motaau momamping kon Poti Dodandian i Tuhan, Allah in Israel, kon tampat inta ain sinadiaku.

TAWARIKH 1 15:16

Ki Daud in nopotabá doman kon itoi mita in intau mita in Lewi tatua sinbá mopotabá kon tongonumai in intau nongkon suku monia sin mopodondong bo mopogogitog in dondong mita pia in gina takin kecapi bo simbal.

TAWARIKH 1 15:28

Bayongan umat in Israel minayá dinumudui kon Poti Dodandian noidapot in Yerusalem takin giow pia in gina, singog in torompet, napiri, simbal bo kecapi.

TAWARIKH 1 15:4

Bo ki Daud in nopotabá kon buí i Harun bo intau in Lewi noyosipun.

TAWARIKH 1 16:42

Ki Heman bo ki Yedutum in mogirup doman kon torompet, simbal bo pakakat in musik ibanea inta pinogogitog sin monakin kon dondong mita dodayow. Intau mita in inanakan i Yedutun in pinoki ḷukadan in bonawang mita.

TAWARIKH 1 16:5

Ki Asap in piniḻí nobaḻí itoi inta tongguḷu totok bo ki Zakharia in oḻitnea. Ki Yeiel, ki Semiramot, ki Yehiel, ki Matica, ki Eliab, ki Benaya, ki Obed Edom bo ki Yeiel in pinoki gogitogan in kecapi. Ki Asap in pinoki bongkugan in Simbal,

TAWARIKH 1 23:5

4.000 in moḷoḷukad, bo 4.000 doman in modayow kon i Tuhan mopomaké in pakakat mita in musik inta ain sinadia.

TAWARIKH 1 26:31

Itoi in buí i Hebron in ki Yeria. Kon taong inggopat nopuḷú kon pinomarentaan i Datu Daud inaidandon in pinonaridian kon bui i Hebron. Kon pinonaridian tatua noniata magí kon sigad monia tua oyúon in tontara mita inta mongotorindog inta nogutun kon Yazer kon bonu in butá in Gilead.

TAWARIKH 2 29:25

Podudui in topotundú mita inta inogoi i Tuhan kon i Daud pinongin i Nabi Gad, inta nogaid kon i datu bo pinongin i Nabi Natan, ki datu in nonampatdon kon intau mita in Lewi kon Baḷoi Tuhan sin mopogogitog in kecapi bo gambus,

TAWARIKH 2 29:30

Ki datu bo intau mita inta sinon itoi kon ḻipú nopotabá kon intau mita in Lewi nokipodondong in dodayow kon i Tuhan in dodayow inta pinomia i Daud bo i Nabi Asap. Komintan intau nodondong takin ḷunganga in gina poḷat sinumungkud bo nosumba kon i Allah.

TAWARIKH 2 7:6

Imang mita sinimindog kon tampat inta ain sinantú kon i monia; noyogintayow in intau in Lewi inta nodayow kon i Tuhan nomaké in pakakat mita in musik inta pinomia i Datu Daud, sindaḷan nopodondong in dondong “Tabi-Nea in mononoi!” Pinodudui kon onu inta pinoguman i Daud. Imang mita in nogirup kon torompet bo bayongan in rayat in simindog.

EZRA 6:16

Onda intua takin pia in gina intau mita in Israel, imang mita, intau mita in Lewi bo bayongan intau inta nobui nongkon pinoḷumbúan in nokopoḷapat kon Baḷoi Tuhan tatua.

NEHEMIA 11:20

Rayat in Israel, imang mita bo intau mita in Lewi inta ki agatnea in nogutun kon butá monia kon noyagi-yagimai in kotá kon Yohuda.

NEHEMIA 12:43

Kon singgai tatua nobayong in kuruban inta pinosumba kon i Tuhan. Rayat noḷunganga in gina sin binaḻídon i Allah in mosia nopia in gina. Bobay mita bo mongo adí mita in sinumakin doman norame, bo singog monia inta moḷunganga tua in kinodongogan noidapot in moyayú.

NEHEMIA 8:17

Bayongan in rayat inta ain nobui nongkon pinoḷumbúan tatua in nogaid kon ḷuḷung mita tatua, bo nogutunpa kon tua. Naadon in dungkuḷ totok pinogaidan kon ná tatua pinangkoipamai kon i Yosua ki adí i Nun, dá komintandon nopia in gina bo noḷunganga.

MAZMUR 149:3

Dayowdon in tangoi-Nea pongin tayok mita, dayowdon in Sia in kecapi bo rebana!

MAZMUR 30:1

Mazmur i Daud. Dondong pongimpaḷutan kon baḷoi i Allah.

ULANGAN 16:11

Kon tayowon i Tuhan Allahmu, kon tampat inta piniḻí-Nea, moiko musti moposanang in gina moyotakin i adímu mita, bobantungmu mita bo intau in Lewi, intau ango-angoi, adí uno-unon bo intau mita inta dongkadon boba-bobay inta nogutun kon kotámu mita.

ULANGAN 20:5

Onda intua porwira mita musti mopotaau in tosingogon mita tanaa kon inimu, ‘Oyúon degá in kon sigad monimu in intau inta bagu noposindog in baḷoi, táe diápa nomia kon upacara kinoḷapatannea? Aka oyúon, yo motaaubí in sia mobui. Sin aka sia koḻimodan kon parang, dá intau ibaneadon in mogutun kon baḷoinea.

PILIPI 4:4

Kosanangdon in gina monimu sin ain nopirisaya bo nobiag notobatú takin i Tuhan. Buipa doman pogumanku: kosanangdon in ginamu!

WAHYU 5:8

Koyogot in ki Adí in Domba tatua nogabat kon ḻitodan in buk tatua, sinumungkudon in mahaḷuk opat tatua takin itoi mita doyowa nopuḷú bo opat kon tayowon-Nea. Mosia notukid in kecapi bo palo buḷawan inta binonuan in kamania, tuata in sambayang mita in umat i Allah.