NEHEMIA 12:24 - Alkitab Singog In Mongondow Masa In Tanaa

²⁴ Kon bonu in tongganut i Hasabya, i Serebya, i Yesua, i Binui bo ki Kadmiel, intau mita in Lewi sinilai kon bonu in paanan mita. Pomuḷoi mako doyowa nopaanan in modayow kon i Tuhan bo mopoyaput in sukur kon i-Nia mositubagan, podudui in atorang i Datu Daud, mogogundoi i Allah tua.

NEHEMIA 12:24 Iomraidhean Croise

DATU MITA IMITÁNEA 17:24

Boba-bobay tatua in notubag, “Tanaa in kinotaauankudon kon ki Amá in mogogundoibí i Allah bo tosingogon i Amá in totuubí nongkon i Tuhan!”

TAWARIKH 1 16:4

Ki Daud in noduí kon tongonumai in intau in Lewi sin mopobayá in upacara ibada kon i Tuhan, Allah in Israel, kon tayowon i Poti Dodandian tatua, takin dondong bo dodayow.

TAWARIKH 2 8:14

Podudui kon atorang mita i Daud ki amánea, ki Salomo in nonantú kon oaidan pomuḷoi in singgai in imang mita bo intau mita in Lewi inta musti mopodondong in dondong dodayow kon i Tuhan bo mobantung kon imang mita mopobayá in upacara mita ibada. Bo moḷoḷukad mita doman in Baḷoi Tuhan in sinilainea kinolompok sin moḷukad kon batúan in bonawang, pinodudui in topotundú i Daud mogogundoi i Allah.

EZRA 2:40

Inanakan i Lewi inta nobui nongkon pinoḷumbúan naa in tangoi monia: Ki Yesua bo ki Kadmiel (buí in Hodawya) – 74 Mododondong mita kon Baḷoi Tuhan (buí i Asap) – 128 Moḷoḷukad kon ngara kon Baḷoi Tuhan (buí i Salum, i Ater, i Talmon, i Akub, i Hatita bo i Sobai) – 139

NEHEMIA 12:23

Táe aka tangoi mita in tongguḷu mita in inanakan in Lewi tongábí pinais noidapot kon tungkuḷ in ki i Yonatan ki ompu i Elyasib.

NEHEMIA 12:36

Kon tuminea dumuduianmai in agat mita nongkon inanakannea, ki Semaya, ki Azareel, ki Milalai, ki Gilalai, ki Maai, ki Netaneel, ki Yohuda bo ki Hanani. Mosia komintan in nodia kon pakakat mita in musik notongkai ná inta pinogogitog i Datu Daud, mogogundoi i Allah tua. Ki Imang Ezra inta nonotaau totok in Hukum i Allah tua, in minayá kon muna in pipidan tatua.

NEHEMIA 8:7

Nopaḷut mako kon tua nobuat in mosia bo sinimindog kon tampat monia tontaní, bo tongonumai in intau mita in Lewi noginsilang kon Hukum tatua kon i monia. Naa in intau mita in Lewi tatua: ki Yesua, ki Bani, ki Serebya, ki Yamin, ki Akub, ki Sabetai, ki Hodia, ki Maaseya, ki Kelita, ki Azarya, ki Yozabad, ki Hanan bo ki Pelaya.

NEHEMIA 9:4

Kon tua oyúon in mimbar sinadia kon intau mita in Lewi bo sinimindog kon tua in ki Yesua, ki Bani, ki Kadmiel, ki Sebanya, ki Buni, ki Serebya, ki Bani bo ki Kenani. Takin singog noropot mosia in nosambayang kon i Tuhan Allah monia.

ULANGAN 33:1

Kon dodai in diápa minatoi, ki Musa, totabá i Allah, nomarakat kon bangusa Israel pinongin tosingogon mita tanaa:

TIMOTIUS 1 6:11

Táe iko inta ain piniḻí i Allah, mokopoyayúdon kon tua komintan. Tayakdon in onu inta mopia kon tayowon i Tuhan, aidai in onu inta moitutui, posambayang bo mokopotantú kon pirisaya kon i Kristus, kotabibí in tumpaḷa intau, mobalajar mosabar bo aidai in onu inta mokosanang kon gina in intau.

TIMOTIUS 2 3:17

Takin Buk Motusi tatua bayongan intau inta nogaid kon oaidan i Allah in sinompobaḷunan in totabi kon i monia modapot in mosompurna sinbá motaaudon mogaid kon bayongan inta mopia.

YOSUA 14:6

Kon singgai tobatú intau mita nongkon suku Yohuda namangoi kon i Yosua kon Gilgal. Intau tobatú nongkon sigad monia inta ki Kaleb adí i Yepune intau in Kenas, in noguman, “Yosua! Iko in nonotaaubí kon onu in pinoguman i Tuhan kon i Musa, totabá i Allah tua, kon Kades-Barnea soaḷ iko bo akuoi.