NEHEMIA 11:3 - Alkitab Singog In Mongondow Masa In Tanaa

³ Kon kotá mita ibanea, rayat in Israel, imang mita intau mita in Lewi, mogogaid mita kon bonu in Baḷoi Tuhan, bo buí in bobantung mita i Salomo in nogutun kon butá kapunyaan monia bo kon kotá mita monia.

NEHEMIA 11:3 Iomraidhean Croise

EZRA 2:1

Nobayong in kon sigad in intau mita inta kon pinoḷumbúan in nonaḷámai kon butá in Babel bo nobui minayá in Yerusalem bo Yohuda, kon batúannea nobui kon kotánea-kotánea. Mosia in nobiagdon kon pinoḷumbúan kon Babel pinangkoipamai mosia inakut kon tua i Datu Nebukadnezar.

EZRA 2:43

Naa in tangoi in bui in motoḷuadí in intau mita inta mogogaid kon Baḷoi Tuhan inta nobui nongkon pinoḷumbúan: Ki Ziha, ki Hazupa, ki Tabaot, Ki Keros, ki Siaha, ki Padon, Ki Lebana, ki Hagaba, ki Akub, Ki Hagab, ki Samlai, ki Hanan, Ki Gidel, ki Gahar, ki Reaya, Ki Rezin, ki Nekoda, ki Gazam, Ki Uza, ki Paseah, ki Besai, Ki Asna, ki Meunim, ki Nepusim, Ki Bakbuk, ki Hakupa, ki Harhur, Ki Bazlut, ki Mehida, ki Harsa, Ki Barkos, ki Sisera, ki Temah, Ki Neziah bo ki Hatipa.

EZRA 2:70

Imang mita, intau mita in Lewi bo tongosilai nongkon rayat in nogutun notantú kon Yerusalem bo kon kotá mita inta kon diugnea. Mododondong, moḷoḷukad kon ngara in Baḷoi Tuhan bo mogogaid mita kon Baḷoi Tuhan bo intau mita in Israel ki agatnea in nogutun kon kotá mita inta pinogutunan in mogoguyang monia koḻipod.

NEHEMIA 11:20

Rayat in Israel, imang mita bo intau mita in Lewi inta ki agatnea in nogutun kon butá monia kon noyagi-yagimai in kotá kon Yohuda.

NEHEMIA 11:4

Tongonumai in intau nongkon suku in Yohuda bo Benyamin in nogutun kon Yerusalem. Naa in tangoi mita monia. Suku in Yohuda: Ki Ataya ki adí i Uzia, ki ompu i Zakharia. Tongonumai in kon sigad in mogoguyangnea: ki Amarya, ki Sepaca bo ki Mahalaleel, ki Peres, ki Yohuda. Kobayong monia in 468 inta mongotorindog. Ki Maaseya ki adí i Barukh, ki ompu i Kolhoze. Tongonumai in kon sigad in mogoguyang monia: ki Hazaya, ki Adaya, ki Yoyarib, ki Zakharia, ki Syela, ki Yohuda.

NEHEMIA 7:39

Naa in tangoi in inanakan motoḷuadí in imang mita inta nobui nongkon pinoḷumbúan: Yedaya (buí i Yesua) – 973 Imer – 1.052 Pasyhur – 1.247 Harim – 1.017

NEHEMIA 7:43

Noiduduimai naa in inanakan motoḷuadí i Lewi inta nobui nongkon pinoḷumbúan: Ki Yesua bo ki Kadmiel (buí i Hodewa) – 74 Mopogogitog mita in musik kon Baḷoi(buí i Asap) – 148 Moḷoḷukad kon ngara kon Baḷoi(buí i Salum, i Ater, i Talmon, i Akub, i Hatita bo i Sobai) – 138

NEHEMIA 7:46

Naa in tangoi mita in inanakan motoḷuadí in intau mita inta mopobayámai in oaidan kon bonu in Baḷoi Tuhan inta nobui nongkon pinoḷumbúan: Ki Ziha, ki Hasupa, ki Tabaot, Ki Keros, ki Sia, ki Padon, Ki Lebana, ki Hagaba, ki Salmai, Ki Hanan, ki Gidel, ki Gahar, Ki Reaya, ki Rezin, ki Nekoda, Ki Gazam, ki Uza, ki Paseah, Ki Besai, ki Meunim, ki Nepusim, Ki Bakbuk, ki Hakupa, ki Harhur, Ki Bazlit, ki Mehida, ki Harsa, Ki Barkos, ki Sisera, ki Temah, Ki Neziah bo ki Hatipa.

NEHEMIA 7:6

Nobayong in kon sigad in intau mita inta iḷumbú in nonaḷámai kon propinsi Babel bo nobui kon Yerusalem bo Yohuda, kon batúannea in nobui kon kotánea-kotánea. Mosia in noonggotdon in nobiag kon pinoḷumbúan kon Babel, pinangkoimai kon mosia inakut pinobayá intua saḷaku intau dinakop i Datu Nebukadnezar.

NEHEMIA 7:7

Itoi mita monia in ki Zerubabel, ki Yesua, ki Nehemia, ki Azarya, ki Raamya, ki Nahamani, ki Mordekhai, ki Bilsan, ki Misperet, ki Bigwai, ki Nehum bo ki Baana.

NEHEMIA 7:73

Imang mita, intau mita in Lewi, moḷoḷukad mita kon ngara in Baḷoi Tuhan, mododondong, nobayong in nongkon rayat biasa, mogogaid mita kon bonu in Baḷoi Tuhan, impoḷok mako in singog bayongan in rayat in Israel, nogutun notantú kon kotá mita bo ḻipú mita in Yohuda.