NEHEMIA 11:22 - Alkitab Singog In Mongondow Masa In Tanaa

²² Moḷoḷukad intau mita in Lewi inta nogutun kon Yerusalem in ki Uzi ki adí i Bani ki ompu i Hasabya. Kon sigad in mogoguyangnea in ki Matanya bo ki Mikha. Sia in noituot kon inanakan i Asap, inta inogoian in oaidan moindoi kon musik kon poibadaan kon Baḷoi Tuhan.

NEHEMIA 11:22 Iomraidhean Croise

SAMUEL 2 9:12

Ki Mepiboset in kogadí kon ḷoḷaki inta ki Mikha in tangoinea. Bayongan in motoḷuadí i Ziba in nobaḻíbí bobantung mita i Mepiboset.

EZRA 8:19

Ki Hasabya bo ki Yesaya nongkon inanakan i Merari, takin doyowa nopuḷú in intau in ginaḷum monia, pinotabá doman namangoi kon inami.

NEHEMIA 11:14

Nongkon inanakan tanaa in 128 intau inta mongotorindog. Itoi monia in ki Zabdiel, ki adí i Gedolim.

NEHEMIA 11:9

Yoël ki adí i Zikhri bo oḻitnea, ki Yohuda ki adí i Hasenua.

NEHEMIA 12:42

kon tumi monia dumuduianmai in ki Maaseya, ki Semaya, ki Eleazar, ki Uzi, ki Yohanan, ki Malkia, ki Elam bo ki Ezer. Mododondong nodondong kon bonu in tongganut i Yizrahya.

NEHEMIA 12:46

Pinangkoi kon i Datu Daud bo ki Asap inta monotaau totok kon musik, intau mita mododondong ain nopodondong in dondong dodayow sukur kon i Allah.

NEHEMIA 13:13

Akuoi in nopotabá kon intau mita tanaa sin moindoi kon gopot mita pototagúan kon tongkaaḷ tatua: ki Imang Selemya, ki Zadok intau inta totok in nonotaau kon Hukum bo ki Pedaya intau in Lewi. Ki Hanan ki adí i Zakur ki ompu i Matanya pinoki bantunganku kon i monia. Kinotaauanku kon intau mita tatua in motaaubí pirisayaan bo mosilai kon pakakat mita tatua kon yobayat topogaidan monia kotompiaan.

NEHEMIA 3:17

Moiduduimai doman naa in dinding ibanea inta pinosindog in intau in Lewi: Ki Rehum ki adí i Bani Ki Hasabya, inta nongawasa kon tongo botak in Kehila. Dinding inta kon bonu in pomarentaannea tontaní. Ki Binui ki adí i Henadad, inta nongawasa in tongo botak in Kehila Ki Ezer ki adí Yesua, inta nongawasa kon Mizpa: dinding kon sikumai in daḷan kon tayowon in baḷoi in sonjata. Ki Barukh ki adí i Zabai: dinding nongkon siku in daḷan noidapot kon ngara in Baḷoi i Imang Moḷoben ki Elyasib. Ki Meremot ki adí i Uria ki ompu i Hakos: dotá in dinding nongkon ngara in baḷoi i Elyasib noidapot kon popod in baḷoi tatua.

NEHEMIA 8:7

Nopaḷut mako kon tua nobuat in mosia bo sinimindog kon tampat monia tontaní, bo tongonumai in intau mita in Lewi noginsilang kon Hukum tatua kon i monia. Naa in intau mita in Lewi tatua: ki Yesua, ki Bani, ki Serebya, ki Yamin, ki Akub, ki Sabetai, ki Hodia, ki Maaseya, ki Kelita, ki Azarya, ki Yozabad, ki Hanan bo ki Pelaya.

OUMAN IN RASUL MITA 20:28

Manangka intua yo mokopopiadon in moiko bo umuran moḷukad kon awak monimu bo poḷat doman ḷukadai in bayongan umat i Allah inta ain pinosarakan i Allah kon i monimu sinbá ḷukadan. Sin moiko nion ain sinantú in Roho i Allah mobaḻí moḷoḷukad bo mononompia kon umat i Allah inta ain sinobut-Nea in dugú i Adí-Nea tontaní.