NEHEMIA 10:34 - Alkitab Singog In Mongondow Masa In Tanaa

³⁴ Kami, rayat, imang mita bo intau mita in Lewi, in mopogonik in undi muḷoi in taong sin monantú kon inanakan táonda in musti moposadia kon kayu pondungú kon kuruban mita sosumba kon i Tuhan Allah nami, podudui in atorang in hukum.

NEHEMIA 10:34 Iomraidhean Croise

TAWARIKH 1 24:5

Sin pinomayá kon bonu in buí i Eleazar andeka kon bonu in buí i Itamar oyúon in pojabat mita in Baḷoi Tuhan bo itoi mita in agama, dá kon mosilai kon oaidan in nomaké in undian.

TAWARIKH 1 24:7

Naa in nomor noyodudui podudui in wakutu monia mopobayá in aidan inta sinundú in undian kon doyowa nopuḷú bo opat in kolompó tatua: 1. Ki Yoyarib 13. Ki Hupa 2. Ki Yedaya 14. Ki Yesebeab 3. Ki Harim 15. Ki Bilga 4. Ki Seoirim 16. Ki Imer 5. Ki Malkia 17. Ki Hezir 6. Ki Miyamin 18. Ki Hapizes 7. Ki Hakos 19. Ki Petahya 8. Ki Abia 20. Ki Yehezkiel 9. Ki Yesua 21. Ki Yakhin 10. Ki Sekhanya 22. Ki Gamul 11. Ki Elyasib 23. Ki Delaya 12. Ki Yakim 24. Ki Maazya

TAWARIKH 2 2:3

Ki Salomo in nokidia in habar tanaa kon i Hiram datu in Tirus, “Poigumonku sinbá ki Tuang momia kon dodandian in totaḷuian takinku naonda bo kon i Daud ki amáku. Ki Tuang ain nopotaḷui kon inia in ḷokuyú in Libanon sin poposindogan in komaḻignea.

EZRA 3:5

Koḻikud intua takin notompia mosia in moposumba in kuruban payongon bo kuruban kon Singgai Moḷoben Buḷan Mobagu, bo kon bayongan in Singgai moḷoben ibanea inta inaidan sin mosumba kon i Tuhan. Mosia in moposumba doman in sosumba ibog tontaní kon i Tuhan.

NEHEMIA 11:1

Itoi mita in nogutun notantú kon Yerusalem bo rayat in nopogonik in undi sin momiḻí kon motoḷuadí nongkon batúan in motoḷuadí mopuḷú inta musti mogutun kon kotá motusi, Yerusalem. Inta diá kinopiḻían in motaaubí mogutun kon kotá mita ibanea.

NEHEMIA 13:31

Sinompiaku domandon sinbá kon singgai mita inta ain sinantú, kayu pondungú kon pobogoian kon sosumba in motaau sadiaan bo rayat motaau modia kon sosumba bungai in boyó inta dungkuḷ. Imbuitnea nosambayang in akuoi, “Allahku, toropdon in bayongan tanaa bo barakataidon in akuoi.”

AMSAL 18:18

Pongin undian, ropatoi motaau tompiaan bui, nodapot in bobayowan kon sigad in intau nongawasa in motaaubí doman paḷuton.

YESAYA 40:16

Bayongan in biag kon kayuon in Libanon diá tugat baḻíon kuruban payongon; pangkoinea mita totuu moyakag baḻíon kayu pondungú.

IMAMAT 24:5

Pogamádon kon topong inta totok in mopia mopuḷú bodoyowá nokilo in kobayongnea bo pomiadon kon roti noḻimbung mopuḷú doman bodoyowá, pomia tumongo kilo komintan.

IMAMAT 24:6

Ukat in roti tatua pomia doyowa noguntuḷ, togogonom in toguntuḷ, ukaton kon tudu in meja inta inaipan in buḷawan taakan inta kon bonu in Ḷoḷaigan i Tuhan.

PINOGIAPAN 28:2

mopotaau kon bangusa Israel kon mosia in mustibí, monarukira totok sinbá kon wakutu mita inta ain sinantú, moposumba in kuruban mita inta ná kaanon inta mokosanang kon gina i Tuhan.

OUMAN IN RASUL MITA 1:26

Onda intua mosia nopogonik in undi, bo ki Matias in kinopiḻían. Dá sia in binaḻí rasul pinodugang kon rasul inta mopuḷú bo mita tua.

YOSUA 9:27

Táe mosia tua in binaḻí ata – mononiai kon kayu bo mononangkob kon tubig pakéon in intau in Israel bo pakéon kon mezbah i Tuhan. Nodapotpabí in tanaa mosia umuranpabí nogaid kon oaidan tatua kon tampat inta piniḻí i Tuhan nobaḻí tampat pooibadaan kon i-Nia.