NEHEMIA 10:33 - Alkitab Singog In Mongondow Masa In Tanaa

³³ Kami in moposadiabí in bayongan kaparaḷuan pakéon kon ibada kon Baḷoi Tuhan, tuata: roti oḷudon, sosumba in gandum muḷoi in singgai, biag inta pakéon kuruban payongon muḷoi in singgai, sosumba motusi ibanea, kuruban mita pongampung kon dosa mita in Israel, bo bayongan inta paraḷuon pakéon kon Baḷoi Tuhan.

NEHEMIA 10:33 Iomraidhean Croise

TAWARIKH 2 2:4

Tanaa moibog in akuoi moposindog in baḷoi poibadaan tobatú inta ain sinantú kon pohoromatan kon i Tuhan Allahku. Kon baḷoi tatua akuoi bo rayatku in moibada kon i-Nia takin motubá kon dupa inta mongo bo mongobondu, bo moposumba in roti oḷudon kon inia mokopotantú. Kon baḷoi doman tatua moposumbadon in kami in kuruban payongon muḷoi in doḷo-doḷom bo doḷom, muḷoi in singgai in Sabat, singgai moḷoben Buḷan Mobagu bo singgai mita inta ain sinantú sin mohoromat kon i Tuhan Allah nami. Sin, Sia in nomarentadon sinbá tua in umuran pomiaan in intau Israel modapot in kopaḷutannea.

IḶUAIAN 30:16

Gamádon in doit tatua nongkon bangusa Israel, bo pakédon kon popopandung kon poibadaan kon bonu in Ḷoḷaigan-Ku. Komintan tua in doitbí tobutan kon i monia tontaní, bo umuran-Kudon kotoropan in moḷukad kon i monia.”

KOLOSE 2:16

Manangka intua donaaidon pomayá mako in intau mopotaḷá kon i monimu kon soaḷ kaanon ande inumon, ande soaḷ mita singgai moḷoben in agama, andeka porayaan mita in buḷan mobagu, ande soaḷ singgai in Sabat.

IBRANI 10:11

Pomuḷoi in singgai imang intau Yahudi umuran mogaid kon oaidan monia saḷaku imang bo umuran doman mopobui-buimai in moposumba in kuruban mita ná inta biasamai pinosumba monia. Táe totuubí kon kuruban mita tatua in diábí mokopopat kon dosa.