NEHEMIA 10:32 - Alkitab Singog In Mongondow Masa In Tanaa

³² Pomuḷoi in taong kami kon batúannea in moposumbang in ḻima nogram in saḷaka sin pobantung pakéon kon Baḷoi Tuhan.

NEHEMIA 10:32 Iomraidhean Croise

KINOBAḺIAN 28:22

Bo akuoi in mobogoi kon i Tuhan mopuḷú noporsen nongkon bayongan in yagi-yagi inta inogoi i Tuhan kon inakó. Batu tompoingat inta pinosindogku tanaa in mobaḻí tampat posumbaan kon i Tuhan.”

TAWARIKH 1 26:27

Oogoi mita tatua in tongosilai nongkon barang inta inagow inta nouḻí monia kon parang bo inta pinosumba monia sin tongá pakéon kon bonu in Baḷoi Tuhan.

NEHEMIA 13:15

Kon tungkuḷ intua inontongku in kon singgai in Sabat tongonumai in intau Yohuda nomugut kon anggur. Oyúon in intau ibanea in nodatog kon gandum, anggur, bungai in anggur, bungai in ara bo pakakat mita ibanea kon tudu in keledainea bo dinia pinobayá in Yerusalem. Diá inogoiku in mosia nopotaḷui kon Yerusalem.

NEHEMIA 13:18

Popisí in dosabí naa dá ihukumdon i Allah in mogoguyang naton bo norimumud kon kotá tanaa. Degá moibog in tanaa moiko in modugang kon torú i Allah kon Israel pinongin moporaatmai kon singgai in Sabat?”

NEHEMIA 13:21

Bo akuoi in noguman kon i monia, “Diábí in mangaḻenea in pogoḷatan monimu dapot in doḷo-doḷom kon nion. Pokoingat, aka aidanpa bui monimu intua, yo mobogatbí in aidanku!” Pinangkoi kon tua diádon kon dodai in onda in mosia in mamangoi kon singgai in Sabat.

NEHEMIA 5:10

Akuoi tontaní ki utatku mita bo topotakinku mita ain nopoḷuan in doit bo gandum kon rayat. Kami in diábí moigum bui kon tua.

NEHEMIA 9:14

Singgai in Sabat inta mokudus mustibí rameon monia, bo pinongin i Musa hukum-Mu inogoi-Mu.

IḶUAIAN 23:11

Táe kon taong noginpitu, pomayápa mako in butá tatua. Kon bonu in taong tatua donaaipa in moiko mogamá kon onuka in nobiag tontaní kon gobámu. Pomayádon mako intua sinbá intau mita bogá kon sigad monimu mokouḻípa kon kaanon monia, bo onu in diá ginamá monia kaanondon in mahaḷuk mita inta kaḻig. Natua doman pomia kon gobá in anggur bo pangkoi mita in zaitunmu.

AMSAL 3:9

Horomat in ki Tuhan pongin moposumba kon i-Nia in inta mopia totok nongkon bayongan kapunyaanmu bo nongkon bungai in pinomuḷamu,

KORINTUS 2 8:12

Aka gina monimu bo motuḻidbí in mobogoi, dá tarimaanbí i Allah onu inta inogoi monimu tua, asaḷ bo onu inta inogoi monimu tua, pinodoyon kon onu inta oyúon kon i monimu, deemanbí pinodoyon kon onu inta diá in kon i monimu.