NEHEMIA 10:31 - Alkitab Singog In Mongondow Masa In Tanaa

³¹ Aka oyúon in bangusa ibanea in mopotaḷui in gandum andeka onuka kon inami kon singgai in Sabat andeka singgai motusi ibanea, yo diábí intua taḷuion nami. Kon pomuḷoi in taong impitunea, diábí tonggobaan nami in gobá bo diábí moigum kon boḻi.

NEHEMIA 10:31 Iomraidhean Croise

TAWARIKH 2 36:21

Dá nobaḻídon onu inta ain pinoguman i Tuhan pinongin i Yeremia kon butá tatua in mobaḻídon diá in mangaḻenea kon bonu in 70 notaong in koonggotnea nobaḻí toḻiu in taong mita in Sabat inta diá pinandungmai.

NEHEMIA 13:23

Kon tungkuḷ intua inontongku doman kon nobayong intau in Yahudi in notonibuḷoidon in bobay mita nongkon bangusa in Asdod, Amon bo Moab.

NEHEMIA 13:27

Totuu moraat in oaidmu! Moiko in mokobaḻíbí moḷawang kon i Allah pinongin mononibuḷoi kon bobay mita nongkon bangusa ibanea!”

IḶUAIAN 12:16

Kon singgai inta dungkuḷ, bo kon singgai doman impitunea, moiko musti moyosipun sin moibada. Kon singgai tatua moiko diábí motaau mogaid kon oaidan onuka koḻikudbí in mogoḷud kon pongaanan.

IḶUAIAN 20:10

táe singgai inta nogimpitu in singgaibí pogogaian inta sinondí posumbaan kon i-Nakó. Kon singgai tatua diábí tobatúmai intau in motaau mogaid, pinomayá moiko, ande ki adímu mita, ande atamu mita, bobiagonmu mita ande intau ango-angoi inta nogutun kon butámu.

IḶUAIAN 34:16

Aka ki adí mita monimu motonibuḷoi in bobay mita ango-angoi, yo mosia in dondouḷugandon in bobay mita tatua sinbá monaḷámaidon kon i-Nakó bo mosumbadon kon ilah mita monia.

YESAYA 58:6

Naabí in puasa inta kinoibog-Ku: Ḷuatdon in aid mopororiga bo bobabaan inta diá moadil, bo poḷuatdon in intau mita inta dinorot.

IMAMAT 16:29

Atorang mita tanaa musti umuran duduian dapot in adí bo ompu. Kon singgai noginpuḷú buḷan noginpitu, intau Israel bo intau ango-angoi inta nogutun kon sigad monia musti mopuasa bo imaḷowanpa in mogaid, sin singgai tanaa in singgai inta totok in motusi. Kon singgai tatua musti aidan in upacara pondaritan kon bangusa Israel nongkon bayongan dosa monia sinbá mosia modaritdon.

IMAMAT 23:21

Kon singgai tatua moiko musti momia kon poyodungkuḷan sin moibada bo diábí motaau in mogaid kon oaidan inta mobogat. Atorang tatua musti duduian in buímu dapot in adí bo ompu, kon ondakabí in pogutunan monia.

IMAMAT 23:3

Onom nosinggai in wakutu pogaidan, singgai in Sabat, in singgai pogogaian inta sinantúdon kon i Tuhan. Kon singgai tatua moiko musti momia kon poyodungkuḷan sin poibadaan bo diábí in motaau mogaid.

MATIUS 6:12

Bo ampungaidon taḷá nami, ná doman kami ain nongampung kon intau inta kotaḷá kon inami.

KOLOSE 2:16

Manangka intua donaaidon pomayá mako in intau mopotaḷá kon i monimu kon soaḷ kaanon ande inumon, ande soaḷ mita singgai moḷoben in agama, andeka porayaan mita in buḷan mobagu, ande soaḷ singgai in Sabat.

YAKOBUS 2:13

Sin diábí poontong i Allah in tabi-Nea kon intau inta diá nonotaau in totabian. Táe tabibí in moḷobe-ḷoben nongkon hukuman!