NEHEMIA 1:6 - Alkitab Singog In Mongondow Masa In Tanaa

⁶ Indoiaipa in akuoi o Tuhan, bo indongogaipa in sambayang inta pinoyaputku kon ini-Mu singgai doḷom sin kopontingan in umat Israel, mogogundoi-Mu tua. Akuonku kon kami, umat in Israel, ain binaradosa; akuoi bo mogoguyangku mita ain binaradosa doman.

NEHEMIA 1:6 Iomraidhean Croise

DATU MITA IMITÁNEA 8:47

igumon mako in Iko in moibog mokidongog kon sambayang monia. Aka kon butá tatua bo taḷaandon monia in dosa mita monia, bo mosambayang kon ini-Mu poḷat doman mongaku kon mosia in binaradosa bo nogaidon kon inta moraat, yo indongogaipa kaasí in sambayang monia, o Tuhan.

TAWARIKH 2 28:10

Bo tanaa intau mita in Yerusalem bo Yohuda in baḻíondon monimu atamu mita! Diábí degá kinotaauan monimu kon moiko tontaní in binaradosadon kon i Tuhan Allahmu?

TAWARIKH 2 29:6

Mogoguyang naton in diá mosatia kon i Tuhan Allah naton bo mosia in nogaidon kon onu inta diá mokosanang kon gina-Nea. Mosia in diádon nopandungmai kon i-Nia bo diádon doman nopandungmai kon tampat pinogutunan-Nea.

TAWARIKH 2 6:40

Tanaa, o Allahku, indoiaipa in kami bo indongogaipa doman kaasí in sambayang mita inta pinoyaput nami nongkon tampat tanaa.

EZRA 10:1

Koyogot in ki Ezra nosambayang koomba-ombaḷ bo nongaku kon dosa kon tayowon in Baḷoi Tuhan, nobayong totok in intau in Israel in namangoi noyosipun, pinomayá ḷoḷaki andeka bobay bo adí mita. Mosia in iḻimibu kon inia poḷat doman nongombaḷ inimibo-ibogbí.

EZRA 10:11

Tuamai, akudon in dosamu kon i Tuhan, Allah inta sinumba in mogoguyang naton, bo aidaidon onu inta mokosanang kon gina-Nea. Pokoyayúdon kon intau ibanea inta nogutun butá naton bo untundon in ki buḷoimu mita inta nongkon bangusa ibanea tatua.”

NEHEMIA 1:11

Indongogaipa in sambayangku bo sambayang in bayongan mogogundoi-Mu mita ibanea, inta moibog mohoromat kon ini-Mu. Tuḷungaipa sinbá kon singgai in naa mogogundoi-Mu in mokouḻídon kon totabi nongkon i datu.” Kon dodai intua akuoi in mopoposadia in oinumon i datu.

MAZMUR 102:17

aka ki Tuhan moposindog bui in Sion, bo simindog kon bonu in koḷoḷantud-Nea.

MAZMUR 106:6

Kami in binaradosadon naonda bo mogoguyang nami; kami in nogaidon kon inta moraat bo nonoḻikudon.

MAZMUR 130:2

Tuhan, indongogaipa kaasí in kuaniku, indongogaipa kaasí in oigumku.

MAZMUR 32:5

Bo akuoi in nongakudon kon dosaku kon ini-Mu, taḷáku diá in binuniku. Sinantúkudon kon akuonku kon ini-Mu, bo inampungan-Mu in bayongan in dosaku.

MAZMUR 34:15

Poyayúdon in inta moraat, bo aidaidon in inta mopia, ḷongasidon totok in mobiag mododamean.

MAZMUR 55:17

Táe akuoi in nokuani kon i Allah, ki Tuhan in moposaḷamatbí kon inakó.

MAZMUR 88:1

Dondong. Mazmur in inanakan i Korah. Kon i itoi in mododondong. Podudui in dondong: Mahalat Leanot. Dondong topotundú i Heman, intau in Ezrahi.

YESAYA 6:5

Bo akuoi in noguman, “Mobodito! Diádon in kamang kon inakó, sin bibigku in nokotor popisí in dosa, bo akuoi in nogutun kon sigad in bangusa inta natua doman. Umpaka natua, takin mataku tontaní akuoi ain nokoontong kon i Datu, ki Tuhan Inta Totok in mokawasa!”

OMBAḶ 5:7

Mogoguyang nami in binaradosa, tanaa in diádon in mosia; táe kami in mustibí motarima kon roriga popisí in dosa mita monia.

DANIEL 9:15

Oo Tuhan, Allah nami, Iko in nopoontongdon in kawasa-Mu pinongin nodia kon umat-Mu iḻumuai nongkon Mesir, bo kawasa-Mu tatua in umuranpabí toro-toroponmai. Kami in binaradosadon bo nogaid kon noitaḷá.

DANIEL 9:20

Akuoi in umuran nosambayang bo nongaku kon dosaku bo dosa in bangusaku Israel, bo nopoigum kon i Tuhan Allahku sinbá mopoyobui in baḷoi-Nea inta motusi.

DANIEL 9:4

Bayongan in dosa in bangusaku inakuku kon i Tuhan Allahku. Gumanku, “Tuhan Allah, Iko in moḷoben, bo kami in mohoromat kon ini-Mu. Iko in umuranbí mogintompod kon dandi-Mu bo mopoontong in tabi-Mu inta mononoi kon i monia inta motabi kon ini-Mu bo inta nogaid kon onu inta pinoki aid-Mu.

DANIEL 9:5

Kami in binaradosadon, kami in nogaidon kon inta moraat, bo nogaidon kon inta noitaḷá. Kami in nomarontakdon bo iḻimimpatdon kon parenta-Mu poḷat sinumabat kon atorang-Mu mita.

DANIEL 9:8

Datu mita nami, itoi mita nami bo mogoguyang nami ain nogaid kon inta mokooyá bo ain binaradosa kon ini-Mu, o Tuhan.

LUKAS 18:7

Umpaka yo diá tuḷungan i Allah in intau inta ain piniḻí-Nea bo inta umuran doman mokuani kon i-Nia doḷom bo singgai? Umpaka yo onggo-onggotan-Neapa in wakutu-Nea motuḷung kon i monia?

LUKAS 2:37

táe tanaa sia dongkadon boba-bobay, bo umurnea aindon waḷu nopuḷú boopat notaong. Sia umuranbí mamangoi in Baḷoi Tuhan. Doḷom bo singgai sia mogaid kon onu inta kino ibog i Tuhan, sia in mosambayang bo mopuasa.

EPESUS 2:3

Koḻipod, kita komintan in ná doman mosia tua; kita nobiag dinumudui doman kon tabiat in awak naton bo nogaid kon onu inta mokosanang kon awak bo raian naton. Wakutu intua kita naa in intaubí doman inta kinotugatan in torú i Allah, ná doman mosia tua.

TIMOTIUS 1 5:5

Intau boba-bobay inta nobiagdon tontaní sin diádon in haraponnea mako motuḷung monompia kon inia, bo dongkadon ki Allah in poharapannea mako, yo musti in sia doḷom bo singgai in mosambayang bo mopoigum in totabi kon i Allah.

TIMOTIUS 2 1:3

Akuoi mopoyaput in sukur kon i Allah inta binantunganku takin gina motuḻid bo modarit ná inta inaidan in mogoguyangku tungkuḷ intua. Umuranku sambayangan in moiko pomuḷoi in kotoropanku doḷom ande singgai.

YOHANES 1 1:9

Táe aka akuondon naton in taḷá mita naton kon i Allah, dá aidan-Neabí in onu inta ain pinodandi-Nea bo pobayá-Nea doman onu inta moadil. Ampungan-Neabí in bayongan dosa naton poḷat daritan-Nea doman in kita nongkon bayongan in oaid inta moraat.

SAMUEL 1 15:11

“Nomanasaḷdon in akuoi sin noduídon kon i Saul nobaḻí datu, sin sia in nonoḻikudon kon i-Nakó, bo doídon dinumudui kon parenta-Ku.” Noajar totok in gina i Samuel, bo kinoouputbí in doḷom sia nopoigum in totabi kon i Tuhan.