NEHEMIA 1:3 - Alkitab Singog In Mongondow Masa In Tanaa

³ Inouman monia kon intau mita inta nokoimontandon iḷumbú inta ain nobui kon butá tatua, tanaa in nobiag nororiga bo siningkuḻe in bangusa mita ibanea inta kon diugneamai. Apadoman, dinding mita in kotá in Yerusalem norimumudpa posiyayit bo bonawangnea mita in diápa sinompia pinangkoipa kon sinurub mako kon tungkuḷ intua.

NEHEMIA 1:3 Iomraidhean Croise

DATU MITA IMITÁNEA 9:7

dá poguntunon-Ku in umat-Ku Israel nongkon butá inta ain inogoi-Ku kon i monia. Taḷaan-Ku domandon in baḷoi tanaa inta ain sinantú-Ku mobaḻí tampat pososumbaan kon i-Nakó. Kon ondakabí in intau in Israel singkuḻeonbí bo kosingan.

DATU MITA 2 25:10

Bo bayongan in intaunea nogumpag kon dinding mita in kotá tatua.

TAWARIKH 2 36:19

Sia in nogumpag kon dinding in kotá in Yerusalem, bo nonurub kon kotá tatua, takin doman Baḷoi Tuhan bo bayongan in komaḻig takin pakakat mita inta koboḻi inta kon bonupa in komaḻig mita tatua.

EZRA 2:1

Nobayong in kon sigad in intau mita inta kon pinoḷumbúan in nonaḷámai kon butá in Babel bo nobui minayá in Yerusalem bo Yohuda, kon batúannea nobui kon kotánea-kotánea. Mosia in nobiagdon kon pinoḷumbúan kon Babel pinangkoipamai mosia inakut kon tua i Datu Nebukadnezar.

EZRA 5:8

Poigumon mako komangaḻean i Tuang, kon kami in minayádon kon propinsi in Yohuda bo nokoontong kon Baḷoi Tuhan, Allah Inta Moḷoben, in koyogotdon posindogon bui nomaké in batu mita moḷoben bo dindingnea mita inta inaipan in kayu. Oaidan tatua inaidan takin notaridi totok bo minayá notompia.

NEHEMIA 11:3

Kon kotá mita ibanea, rayat in Israel, imang mita intau mita in Lewi, mogogaid mita kon bonu in Baḷoi Tuhan, bo buí in bobantung mita i Salomo in nogutun kon butá kapunyaan monia bo kon kotá mita monia.

NEHEMIA 2:13

Nodoḷompa in dodai intua, kon tungkuḷ in kami nonaḷámai kon kotá nongin Bonawang Ḷopá kon dotá in toyopan. Kami in nopobayá ná toḷatan, minayá ná Bonawang Yoyatan, nongin Bokaká in Naga. Kon binayáan tatua akuoi in nonaridi kon dinding mita in kotá inta nogoguyaat bo inontongku doman in bonawang inta ain nodait kinaan in tuḷú.

NEHEMIA 2:17

Táe onda intua noguman in akuoi kon i monia, “Indoiai in kaadaan naton inta moyoyiga tanaa! Yerusalem in dongkadon utag mita bo bonawangnea mita in kinaandon komintan in tuḷú. Koḻigai bá posindogondon bui naton in dinding mita in kotá in Yerusalem sinbá diádon in kita poonagonmai.”

NEHEMIA 2:3

bo notubag, “Mobiagdon in ki Tuang modapot in mononoi! Naondabí in bobantung diá moajar in gina, aka kotá pinoḷobongan kon mogoguyang in bobantung tanaa in dongkadon goguraatnea mita bo ḷoḻingkop mita in bonawangnea ain doman nogoguyaat pinokak in tuḷú.”

NEHEMIA 7:6

Nobayong in kon sigad in intau mita inta iḷumbú in nonaḷámai kon propinsi Babel bo nobui kon Yerusalem bo Yohuda, kon batúannea in nobui kon kotánea-kotánea. Mosia in noonggotdon in nobiag kon pinoḷumbúan kon Babel, pinangkoimai kon mosia inakut pinobayá intua saḷaku intau dinakop i Datu Nebukadnezar.

ESTER 1:1

Kon Susan, ibukotá in Persia, ki Ahasyweros in nomarenta saḷaku datu. Dodatuan nea in 127 nopropinsi, pinangkoi kon India nodapot kon Sudan.

MAZMUR 79:4

Kami in tororebeg mako in bangusa mita topodiugmai, kinosingan monia bo siningkuḻe monia in kami.

AMSAL 25:28

Intau inta diá mokoigon kon ginanea in naonda bo kotá inta ain noumpag in dindingnea.

YESAYA 43:28

Imangmu mita in nopokotordon in baḷoi-Ku. Dá Israel in inogoi-Ku sin poompáanmai, buí i Yakub in pinomayá-Kudon mako iyompat.”

YESAYA 5:5

Nanaa in aidan-Ku kon gobá in anggur-Ku tatua: Tondok inta pinoḻibu in rabuton-Ku, dinding inta pinogoḻingoi kon inia in umpagon-Ku, bo pinomayá-Ku mako in mahaḷuk moraat momoguyaat bo moritak-ritak mako kon inia.

YEREMIA 24:9

Akuoi in mopoboditobí kon i monia námai tua modapot in bayongan in bangusa kon sinangkub in dunia mobaḻídon moondok. Kon ondakabí in pobogoian-Ku kon i monia, mosia in singkuḻeonbí, binaḻí kokosingan bo rebegonmai. Tangoi monia in pakéon mobaḻí kutukan.

YEREMIA 29:18

Mosia in aḷo-aḷowan-Kubí mako in parang, gogoy, bo yampoi in takit modapot in bayongan in bangusa kon sinangkub in dunia in mokoningkimbí in mokoontong kon kaadaan monia. Kon ondakabí in poporaritan-Ku kon i monia, intau in mokoningkimbí bo moondok in mokoontong kon onu inta nobaḻí kon i monia. Mosia in singkuḻeonbí, bo tangoi monia in pakéon mobaḻí kutukan.

YEREMIA 39:8

Bo intau mita in Babel nonurub kon komaḻig in datu bo baḷoi mita in rayat, poḷat nogumpag kon dinding mita in Yerusalem.

YEREMIA 42:18

Ná doman in Akuoi, ki Tuhan Allah in Israel nopobutak in torú bo rogi-Ku kon intau inta nogutun kon Yerusalem, yo natua doman in Akuoi mopobutak in rogi-Ku kon i monimu inta mayá in Mesir. Intau in mokoningkimbí in mokoontong kon i monimu; singkuḻeonbí in moiko, bo tangoimu in pakéonbí saḷaku kutukan. Moiko in diá bidon mokoontong bui kon butámu tontaní.”

YEREMIA 5:10

Akuoi in mopotabábí kon musung sin momoguyaat kon gobá in anggur monia, táe deemanbí makusud moyopú. Akuoi in mopotabábí kon musung tatua momongkó kon tanga mita in pangkoi mita in anggur monia, sin tanganea mita tatua in deemanbí Akuoi in kitogi.

YEREMIA 52:14

Bo bayongan in intaunea norumbun kon dinding mita in kotá tatua.

OMBAḶ 1:7

Naonda in norumbun bo nororiga, Yerusalem in nokotorop kon singgainea dungkuḷmai, kon dodai in nobarongpa in kapunyaan; bo naonda in kinoḷoḷabú in intaunea kon bonu in kawasa in musung, bo diá tobatúmai in intau in namangoi notuḷung. Saturunea mita in tongábí kinumosing in nokoontong kon kinorumbunannea.

OMBAḶ 2:9

Bonawangnea mita in kinobumbunandon in butá, bayongan in bonoboinea mita noputoḷ; datu bo pojabat in pomarenta dinia kon pinoḷumbúan. Hukum i Tuhan in diádon bui sinundú; nabi in diádon notarima kon tongkoyow nongkon i Tuhan.

OMBAḶ 3:61

Iko, Tuhan, in nokodongog kon akuoi siningkuḻe; Kinotaauan-Mu in bayongan in tomayá monia.

OMBAḶ 5:1

Toropdon, kaasí Tuhan, onu inta nobaḻí kon inami. Bobuidon in kami, bo indoiaika in kohohina nami.

IMAMAT 26:31

kotámu mita umpagon-Kudon, tampat mita pososumbaanmu in rimumudon-Kudon bo kurubanmu mita in diá tarimaan-Ku.

IMAMAT 26:33

Popoangoi-Ku in parang kon butá monimu bo poyayiton-Kudon in moiko kon butá in intau. Gobá mita monimu moibiardon mako, bo kotámu mita pomayádon mako in mogoguyaat.