NAHUM 3:8 - Alkitab Singog In Mongondow Masa In Tanaa

⁸ Ei Niniwe, yo umpaka dá ikobí in mopia-pia nongkon Tebe, ibukotá in Mesir? Tebe in noiukat doman kon bingkí in ongkag inta nogoḻingoi kon inia saḷaku dinding. Oo, Ongkag in Nil tatuata in benteng poḷoḷukadannea.

NAHUM 3:8 Iomraidhean Croise

YEREMIA 25:19

Naa in tangoi mita in intau ibanea inta musti monginum nongkon galas in anggur i Tuhan tua: datu in Mesir takin pogawai bo pojabatnea mita; bayongan in intau in Mesir bo intau ango-angoi kon Mesir; bayongan datu kon butá in Us; bayongan datu in kotá mita in Pilistin kon Askelon, Gaza, Ekron; bayongan in intau inta nobiagpa kon Asdod, bayongan intau in Edom, Moab bo Amon; bayongan in datu kon Tirus bo Sidon; bayongan in datu kon bingkí in Dagat Toyuak; kotá mita in Dedan, Tema, bo Bus; bayongan in intau inta nokigonsing kinopoḷok in buoknea; bayongan in datu in Arab; bayongan in datu in suku mita noyobauk inta nogutun kon padang gurun; bayongan in datu kon Zimri, Elam, bo Madai; bayongan in datu kon utuan, noyayú bo nodiug, kon batúannea. Bayongan in bangusa kon sinangkub in dunia musti monginum kon anggur tatua. Bo intau pangabisan inta musti monginum kon anggur tatua in ki datu in Babel.

YEREMIA 46:12

Kaadaanmu inta mokooyá ain kinotaauan in bangusa mita. Karakmu in kinodongogandon in sinangkub in dunia. Tontara tobatú moidangat kon tontara ibanea; tumpaḷa in mosia moibaḻikotad kon butá.

YEHEZKIEL 29:15

inta moiḻiu in yangkó kon sinangkub in dunia. Baḻíon-Ku in moiko totok in moyangkó dá moiko in diábí mokoparenta kon bangusa mita ibanea andeka dumodia kon monia.

AMOS 6:2

Bayádon indoiai in kon Kalne, bo bayádon turus kon kotá in Hamat inta moḷoben tua, onda intua bayá in kotá in Gat kon Pilistin. Kainimu kamai dá kotábí mita tatua in mopia-pia nongkon dodatuan in Yohuda bo Israel? Eta degá butá monia in moḷobe-ḷoben nongkon butámu?