NAHUM 2:5 - Alkitab Singog In Mongondow Masa In Tanaa

⁵ Porwira mita inoiní kon muna; mosia in moipintud magí-mako kon dodai in monubu. Iḻimika-ḻikat in mosia in nopobayá ná dinding in kotá, pakakat pododumpak ḷagidon binaog.

NAHUM 2:5 Iomraidhean Croise

YESAYA 21:5

Inontongku doman in pinongaanan bobutungan inta ain sinadia; ḷoḻitúan in intau mita inta sinoko oiní ain sinadia. Mosia in nongaan bo nonginum. Bo daḻídon kinodongogan in parenta: “Ei porwira mita! Sadia in kaḻeawmu!”

YESAYA 5:27

Mosia in umuranbí taḷaoḷat mako in moparang bo diábí kotaauan monia in moḷopí. Mosia in diábí kon dodai in onda in mosiug andeka tomposiug.

YEREMIA 46:12

Kaadaanmu inta mokooyá ain kinotaauan in bangusa mita. Karakmu in kinodongogandon in sinangkub in dunia. Tontara tobatú moidangat kon tontara ibanea; tumpaḷa in mosia moibaḻikotad kon butá.

YEREMIA 50:29

Ki Tuhan in noguman, “Potabádon in momomiot monubu kon Babel. Pokipiotaidon in intau mita inta mongotaná momiot. Kopungdon in kotá tatua bo dikadon pomayá mako in intau tobatúmai in mokoḷagui. Tuḻíaidon in bayongan oaidnea bo popoaidon kon inia podudui in aidnea, sin sia in nopoaidon in inta mokotor kon i-Nakó, Inta Totok in motusi, Allah in Israel.

NAHUM 2:6

Dimpot in ongkag mita nodaitdon binukatan, dá nodoḻiokdon in sinangkub in komaḻig!

NAHUM 3:18

Ei datu in butá in Asyur! Gubernurmu mita in minatoidon, bo bupatimu mita in noisiugdon diádon moibango-bangon. Rayatmu in noiraritdon kon buḷud mita, bo diá tobatúmai in intau in mokopodia kon i monia mobui mangoi.

NAHUM 3:3

Tontara mita inta sinumakoi kon kabaḷo monubu imibo-ibog, kedang monindar bo pandong in mopouḻi-uḻinag. Intau matoi diádon koiapan, mayat monia moyo-moyoguntuḷ, dá intau mita in moipintudon.

HABAKUK 1:8

Kabaḷonea in moḻika-ḻikat in macan tutul, bo moromu-romú nongkon serigala inta gogoyon. Tontaranea mita inta tumakoi kon kabaḷo in mamangoi nongkon butá mita moyayú; mosia in mamangoi naonda bo boniá inta mondagit kon kokaanonnea.