NAHUM 2:3 - Alkitab Singog In Mongondow Masa In Tanaa

³ Kaḻeaw in musung nopura in batangannea, bo soragamnea in naonda bo dugú. Musung in nosadiadon modakop. Naonda bo tuḷú, uatoi in keretanea mopouḻi-uḻinag. Bayongan in kabaḷonea ḷumangka-ḷangkad.

NAHUM 2:3 Iomraidhean Croise

AYUB 39:23

Ḷoḷutam inta binaba in tumotakoinea motoninsing bo mopouḻi-uḻinag kotugatan in sindar.

MAZMUR 80:13

O Allah, nongonu sin inumpag-Mubí in tondoknea, dá pomuḷoi in intau inta moitaḻib motaaudon mosipú kon bungainea?

YESAYA 14:8

Pangkoi in eru bo pangkoi in ḷokuyú in Libanon mosanang in gina sin datu inta moromú tua ain noḷabú, bo naonda in sia mayá, diá in mokipupuḷ kon i monia!

YEHEZKIEL 23:24

Tubuon monia in iko nongkon utuan takin tontara inta mobarong, takin doman kereta mita in parang bo kereta mita pododatogan kon tongkaaḷ. Kokada-kadai in kaḻeaw bo nogisapoyo in uwaja, mamangoi in mosia moḻibut kon inimu. Pomayá-Kubí mako in mosia monisig kon inimu podudui in hukum mita monia.

YEHEZKIEL 26:7

Ki Tuhan Inta Totok in moḷantud in noguman, “Diaan-Kubí in ki Datu Nebukadnezar nongkon Babel sin monubu kon inimu, ei Tirus. Datu inta totok in moropot tatua in mamangoi nongkon utuan takin tontara mobarong, takin kabaḷo mobayong bo kereta mita in parang bo tontara tumotakoi kon kabaḷo.

NAHUM 3:2

Indongogaidon goḷotup in sambok bo koḷangká in roda, goḷopak poribatukan in kabaḷo bo koḷangká mako in kereta.

ZAKHARIA 1:8

akuoi in nokoontong kon malaekat i Tuhan in sinumakoi kon kabaḷo nopura tobatú. Sia in sinumogon kon ḷopá tobatú kon sigad in pangkoi mita in murad. Kon tumineamai sinimindog doman in tongonumai in kabaḷo ibanea, oyúon in nopura, inta nokasumba, bo inta nobudó.

ZAKHARIA 11:2

Ei pangkoi in daru, pogamuidon, sin noobatdon in pangkoi mita in ḷokuyú, pangkoi mita inta mongotoyang ain noumpag. Ei pangkoi mita mongoḷoben kon Basan, pongombaḷdon. Sin kayuon mita moḷoben sinokotaḷunandon komintan.

ZAKHARIA 6:2

Kereta mita tatua in inugut in kabaḷo tododoyowa, kereta inta dungkuḷ in kabaḷo nopura, kereta nogindua in kabaḷo norondí,

WAHYU 12:3

Bo inontong domandon in tanda mokoherang ibanea kon ḷangit. Oyúon tobatú naga nopura inta totok moḷoben, pitu in uḷunea bo mopuḷú in tungoinea. Pomuḷoi in uḷu pinakéan in mahkota.

WAHYU 6:4

Bo namangoidon in tobatú kabaḷo ibanea, nopura in batangannea naonda bo dokot in tuḷu. Ki Inta sinumakoi kon kabaḷo tatua inogoian in kawasa monginggamá kon dodamean kon dunia naa, sinbá intau mita in mosiḻimodandon. Dá sia inogoian in tobatú pitow moḷoben.