NAHUM 1:2 - Alkitab Singog In Mongondow Masa In Tanaa

² Ki Tuhan Allah in doíbí toḻinduaan, intau inta moḷawang kon i-Nia, notantúbí kon mokouḻí kon hukuman. Noidoyon kon torú inta moḷoben Sia in notuḻí kon aid monia.

NAHUM 1:2 Iomraidhean Croise

AYUB 20:23

Kon tungkuḷ in sia diá mogoga-gogai in momonu kon siannea, ki Allah in sinumorúdon totok bo nohukum kon inia.

MAZMUR 94:1

O Allah, Ikobí in ki Allah inta motuḻí, poontongdon in tontuḻí-Mu, o Tuhan.

IḶUAIAN 20:5

Dika mosumba kon patong ná tatua, sin Akuoibí naa in ki Tuhan Allahmu, bo Akuoi in doíbí potongkaion in onuka. Intau mita inta moyaat in gina kon i-Nakó, hukumon-Ku modapot kon buí inta nogintoḷu bo noginggopat.

IḶUAIAN 34:14

Dika mosumba kon ilah ibanea, sin Akuoi ki Tuhan, in Allah inta doí potongkaion in onukabí.

IḶUAIAN 34:7

Umuranbí in Akuoi motabi kon ribuan buí bo mongampung kon taḷá bo dosa; táe intau inta kon dosa in diábí pomayá-Ku mako takin diá hukumon, bo hukumon-Ku doman in adí mita bain ompu modapot kon buí nogintoḷu bo noginggopat popisí in dosa in guyanga monia.”

YESAYA 42:13

Ki Tuhan in mayá in muna moparang naonda bo pahlawan tobatú, naonda bo tontara tobatú inta moibog totok moparang. Sia in modidí in kokow in parang, bo mopoontong in kotoyang-Nea kon musung.

YESAYA 51:17

Pobangondon ei Yerusalem, pobangondon! Hukuman inta pinoḷabú i Tuhan popisí in torú-Nea ain pinobayámu nodapot in nopaḷut.

YESAYA 51:20

Kon pomuḷoi in popod in daḷan intaumu mita in noumpag kinodaitan in ropot naonda bo rusa inta noibaaḷ kon pukot. Mosia in kinoantugan in torú i Tuhan, bo kinotugatan in guak i Allahmu.

YESAYA 66:15

Totuu, ki Tuhan in mamangoibí takin tuḷú; Sia in tumakoibí kon kereta-Nea ná deḷang, sin mopobayá in torú-Nea, bo mongguak moropot.

YEREMIA 25:15

Ki Tuhan, Allah in Israel, noguman kon inakó, “Gamádon in galas in anggur tanaa inta ain binonuan-Ku in anggur in torú-Ku. Diadon kon bayongan in bangusa kon onda in popotabáan-Ku kon inimu, bo pokiponginumaidon in mosia in anggur tanaa.

YEREMIA 28:8

Nabi mita inta noiuna kon inaton ain nonoḻindap kon poparangan, bodito, bo yampoi in takit in moiantug kon mobayong in bangusa bo dodatuan inta mongoropot.

YEREMIA 3:5

Iko in noguman doman kon Akuoi in diábí umuran tumorú kon inimu. Tuata inta siningogmu, ei Israel, táe kon dodai doman intua aidanmu doman in bayongan inta moraat inta motaau aidanmu.”

YEREMIA 36:7

Dika-dika bo popisí in nokodongogdon bo mosia in mosambayangdon kon i Tuhan, bo mogogaidon in mogaid kon inta mongoraat. Ki Tuhan in sinumorú totok kon i monia bo nonindoyó kon i monia.”

YEREMIA 4:4

Kadaiai in dandimu kon i-Nakó, Tuhanmu, bo awakmu in tongádon ogoi kon i-Nakó, ei intau mita in Yohuda bo Yerusalem. Aka diá, yo torú-Ku in tumagabdon bo momokak naonda bo tuḷú inta diábí kopiongan i inekabí. Tua komintan in moiumabí kon inimu popisí in aidmu mita inta moraat.”

YEREMIA 50:15

Pokokowdon kokow in parang kon ḻibumai in kotá tatua! Tanaa Babel in ain sinumungkud. Pandongnea mita in dinangatandon bo inumpag. Akuoi in koyogotdon motuḻí kon Babel. Tuamai in popoaidon kon i monia in onu inta pinopoaid monia kon intau mita ibanea.

OMBAḶ 4:11

Ki Tuhan in nopoumadon in torú-Nea bo nonurub kon kotá in Sion nodapot in noyompat dapot in butá.

YEHEZKIEL 38:18

Ki Tuhan Inta Totok in moḷantud in noguman, “Táe naonda in ki Gog monubu kon Israel, tumorúbí in Akuoi.

YEHEZKIEL 38:19

Bo takin totok in tumorú indoyóon-Ku in mosia, kon singgai tatua in mobaḻídon in ḻinug inta motoyang totok kon butá in Israel.

YEHEZKIEL 39:25

Ki Tuhan Inta Totok in moḷantud in noguman, “Táe tanaa Akuoi in motabi bidon kon umat-Ku Israel buí i Yakub, bo baḻíon-Ku bui in mosia mobiag motompia. Tua in aidan-Ku sinbá tangoi-Ku umuran horomaton.

YEHEZKIEL 5:13

Korasaanmubí in koḷoḷoben in torú bo pomomatoi-Ku modapot in moorop in Akuoi. Naonda intua mita mobaḻí, moyakin bidon in iko kon Akuoi, ki Tuhan, ain noguman kon inimu popisí in torú-Ku kon aidmu inta diá motoindudui.

YEHEZKIEL 6:12

Mosia komintan in mokonanambí kon bungai in torú-Ku. Intau mita inta moyayú kon poḷumbúan in motakit bo poḷat matoi; inta modiug in matoi kon poparangan; bo kiagatnea in matoi in gogoy.

YEHEZKIEL 8:18

Mosia in mokonanambí kon torú-Ku inta motoyang! Diábí ampungan-Ku in mosia. Umpakabí mosia momaḷú in mosambayang kon i-Nakó, momaḷúkabí moropot totok, yo doíbí in Akuoi mokidongogmai!”

YOËL 2:18

Bo ki Tuhan in nonaridimaidon kon butá-Nea, bo nonotabi kon umat-Nea.

IMAMAT 26:28

Dá tumorúdon totok in Akuoi poḷat mosambok kon i monimu, bo mohukum kon i monimu inta kobogat in hukuman tatua in kopitu nongkon ná inta ain pinopoaid-Ku kon i monimu.

MIKHA 7:18

Diábí in Allah ná Iko, o Tuhan, inta mongampung kon dosa in umat inta piniḻí-Mu inta ki agatneapa. Diábí modapot in mononoi tumorú in Iko; táe, mopiabí in gina-Mu in moponiata in tabi-Mu inta diá in obotnea tatua.

ZAKHARIA 1:14

bo malaekat tatua in nopotabá kon inakó mopotaau in onu inta pinoguman i Tuhan Inta totok in mokawasa, “Akuoi in totokbí in motabi bo mopandung totok kon kotá in Yerusalem, kotá-Ku inta motusi.

ZAKHARIA 8:2

“Akuoi in moibog totok motuḷung kon Yerusalem popisí in Akuoi totok in motabi kon intaunea mita, bo popisí in tabi-Ku tatua, moyaat in gina-Ku kon musung mita in kotá tatua.

PINOGIAPAN 25:11

“Ki Pinehas adí i Eleazar, ki ompu i Imang Harun, totokdon in moibog noguntu kon kahoromatan-Ku kon sigad in intau Israel, dá torú-Ku in noinggamádon bo diádon motuoi-Ku yopúon in bangusa tatua.

SURAT I PAULUS KON JAMAAT RUM 12:19

Utatku mita inta kinotabiku, donaai in moiko motagú kon sakí in gina bo monomayá monuḻí, pomayádon mako bain ki Allah in motuḻí. Sin kon bonu in Buk Motusi ain pinais nanaa: “Akuoibí in motuḻí. Hukumon-Kubí in sia, guman i Tuhan.”

SURAT I PAULUS KON JAMAAT RUM 13:4

Sin pomarenta tua in mogogaidbí kon oaidan i Allah inta mogaid kon kopiaanmu. Táe aka iko in mogaid kon inta moraat, dá iko in mustibí moondok kon pomarenta, sin deemanbí tongá ibo-ibog sia in inogoian in kawasa mohukum kon intau. Sia tua in mogogaidbí kon oaidan i Allah inta nopoḷabú in hukuman i Allah kon intau mita inta mogaid kon moraat.

ULANGAN 4:24

sin ki Tuhan Allahmu naonda bo tuḷú inta mokopokak. Sia in doíbí potongkaion in onukadon.

ULANGAN 7:10

Táe diábí in ondo-ondok-Nea mako in mohukum kon i monia inta mondoí kon i-Nia.

IBRANI 10:30

Sin kinotaauan bidon naton ki ine in Sia inta noguman, “Akuoi in motuḻíbí! Akuoi in mohukumbí!” Bo inta noguman doman nanaa, “Hakimonbí i Tuhan in umat-Nea.”

YOSUA 24:19

Bo ki Yosua noguman, “Táe moiko in dikabo diá mokosanggup mogundoi kon i Tuhan, sin Sia tua in ki Allah inta mokudus, bo tongábí Sia in ki Tuhan. Sia in doíbí toḻinduaan. Aka moiko monaḷámai kon i-Nia bo mogundoi kon ilah mita ibanea, diá bidon ampungan-Nea in dosamu, sedang bo ḷawangon bo hukumon-Neabí in moiko. Yompaton-Neabí in moiko, umpakabí koḻipod in mopia in Sia kon inimu.”

PETRUS 2 2:9

Dá kotaauanbí i Tuhan in moposaḷamat kon intau mita inta dinumudui kon ibog-Nea aka mosia koantugan in sobaan mita. Bo kotaauanbí doman i Tuhan in motagú kon intau mita inta moraat sin sikisaan kon Singgai Ponantúan,